აფხაზეთის დე ფაქტო საგარეო საქმეთა სამინისტრო თურქეთის პარლამენტის დეპუტატთა ჯგუფის ინიციატივას ეხმაურება, რომელიც აფხაზური პასპორტების აღიარებასა და აფხაზეთთან საზღვაო მიმოსვლის გახსნას ითვალისწინებს.

უწყების განცხადებით, “აფხაზური პასპორტებისა და აფხაზეთის სახელმწიფო ორგანოების მიერ გაცემული სხვა დოკუმენტების აღიარების საკითხს აფხაზური მხარე წლების განმავლობაში ჟენევის საერთაშორისო დისკუსიებზე აყენებს”.

„აფხაზეთის რესპუბლიკის საგარეო საქმეთა სამინისტრო ყურადღებით აკვირდება თურქეთის რესპუბლიკის პარლამენტის დეპუტატთა ჯგუფის ინიციატივის გარშემო განვითარებულ მოვლენებს, რომლებიც აფხაზური პასპორტების აღიარებასა და აფხაზეთთან საზღვაო მიმოსვლის გახსნას ითვალისწინებს.

ჩვენთვის ჩვენი სახელმწიფოს მიერ გაცემული დოკუმენტების აღიარება უმნიშვნელოვანესი ამოცანის ნაწილია – მივაღწიოთ აფხაზეთის რესპუბლიკის დამოუკიდებლობის უფრო ფართო საერთაშორისო აღიარებას და სხვა სახელმწიფოებთან სრულფასოვანი ეკონომიკური, ჰუმანიტარული და კულტურული კავშირების დამყარებას“, – აცხადებს დე ფაქტო საგარეო საქმეთა სამინისტრო.

უწყებაში ასევე აცხადებენ, რომ აფხაზეთის დე ფაქტო ხელისუფლება და საგარეო საქმეთა სამინისტრო საერთაშორისო კონტაქტების გაფართოებაზე მუშაობას აგრძელებენ.

„დღეს აქტიური და მუდმივი დიალოგი მიმდინარეობს მსოფლიოს სხვადასხვა რეგიონში სხვადასხვა სახელმწიფოსა და საზოგადოებრივი ძალების წარმომადგენლებთან“, – ნათქვამია განცხადებაში.

5 აგვისტოს თურქეთის დიდ ეროვნულ ასამბლეაში (TBMM) რამდენიმე ოპოზიციური პარტიის დეპუტატებმა და აფხაზური დიასპორის წარმომადგენლებმა პრესკონფერენცია გამართეს, რომელზეც თურქეთის ხელისუფლებას მოუწოდეს, გადახედოს აფხაზეთის მიმართ მოქმედი „იზოლაციის პოლიტიკას“. სოხუმში ამ ნაბიჯს უპრეცედენტო უწოდეს. პრესკონფერენციის ორგანიზატორი იყო კამპანია „Stop the Isolation of Abkhazia“ („დაასრულეთ აფხაზეთის იზოლაცია“), რომელიც ბოლო კვირების განმავლობაში თურქეთში მცხოვრები აფხაზური დიასპორის მონაწილეობით მიმდინარეობს. 

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა