საბოტაჟში და სამშობლოს ღალატში უკვე გამოწრთობილი საქართველოს ხელისუფლება მორიგ მოღალატეობრივ აქტს სჩადის და ანაკლიის პორტის, როგორც საქართველოს უმთავრესი ეკონომიკური, პოლიტიკური და უსაფრთხოებრივი პერსპექტივის დასამარებას აგრძელებს, - ამის შესახებ „ლელო-ძლიერი საქართველოს“ ერთ-ერთმა ლიდერმა თაზო დათუნაშვილმა განაცხადა.

მისი თქმით, საბოტაჟია და საქართველოს ინტერესების მტრობა ანაკლიის პორტის დაპატარავება და მცდელობა, რომ ის არ იყოს იმ მასშტაბის, რაც დღეს შუა დერეფანს და იმ უდიდეს სავაჭრო პოტენციალს სჭირდება, რომელიც შუა დერეფანს აქვს.

„კერძოდ, ამ კონკრეტულ მომენტში შპს „ანაკლიის საზღვაო ნავსადგურმა", საქართველოს მოქალაქეებმა უნდა იცოდნენ, რომ ეს არის კომპანია, რომელიც ახლა „სამუშაოებს" ატარებს ანაკლიაში, წარადგინა ახალი გზშ [გარემოზე ზემოქმედების შეფასება], გენერალური გეგმის დოკუმენტი გარემოს დაცვის ეროვნულ სააგენტოში, რომელშიც ჩვენ ვხედავთ შემაშფოთებელ დეტალებს, რომელიც ეხება ანაკლიის პორტს. კერძოდ, დაპატარავებულია როგორც პორტის ფსკერდაღრმავების სამუშაოების მოცულობა, ასევე არხის და პორტის მასშტაბი.

20.31 მეტრი სიღრმე ანაკლიის პორტს შესაძლებლობას აძლევდა, რომ პანამაქსის ტიპის, დღეს თანამედროვე და ყველაზე დიდი მასშტაბის გადამზიდი საკონტეინერო გემები მიეღო შეუფერხებლად მათ შორის უამინდობის დროსაც. სიღრმის 18 მეტრამდე შემცირებამ, მაგალითად უამინდობის პირობებში შეიძლება გამოიწვიოს შეფერხებები.

არხის სიგრძის 2 ათასიდან 1800 მეტრამდე შემოკლება აგრეთვე შეაფერხებს ყველა ტიპის გემის მიღებას ამ პორტში და ფსკერიდან 7.5 მილიონი კუბური მეტრის ნაცვლად, 5 მილიონი ფსკერული მასალის ამოღება საგრძნობლად აპატარავებს პორტის მასშტაბს და ხელს უშლის "პანამაქსის" [გემების ზომის საერთაშორისო სტანდარტი] ტიპის გემების მიღებას ამ პორტში.

რა მიზანს ემსახურება ის, რომ პორტი, რომელსაც ჰქონდა პარამეტრები საერთაშორისო ღრმაწყლოვანი პორტისა, დაიყვანეს ამ მასშტაბამდე, არის აბსოლუტურად გაუგებარი. იქ არის ჩატარებული ბევრი კვლევა, რომელიც ადასტურებს, რომ ამ პორტს შეუძლია და აქვს პოტენციალი ამ მასშტაბებით მიიღოს მსოფლიოში ყველაზე მსხვილი გემები, მაგრამ ამ მასშტაბების დაპატარავებით ვერ ვხედავთ სხვა ახსნას გარდა პოლიტიკური უსაფრთხოებრივი საბოტაჟისა, რომელსაც „ქართული ოცნება" თანმიმდევრულად აწარმოებს ანაკლიის პორტის წინააღმდეგ რუსული ინტერესების სასარგებლოდ უკვე 10 წელია.

10 წლის წინ, როცა ამ პროექტზე ლაპარაკი დაიწყო, მამუკა ხაზარაძის და ბადრი ჯაფარიძის მიერ მართული „ანაკლიის კონსორციუმისთვის" სამუშაოების შესრულების საშუალება რომ მიეცათ, უკვე 2020 წელს ეს პორტი მიიღებდა "პანამაქსის" ყველაზე დიდი მასშტაბის გემებს, მაგრამ მაშინ დაიწყო ეს საბოტაჟი და უკვე 10 წელია ირაკლი კობახიძის, ირაკლი ღარიბაშვილის, ლევან დავითაშვილის, მარიამ ქვრივიშვილის და სამშობლოს ინტერესების სხვა მტრების ხელით, ყოველ წელს და 6 თვეში ერთხელ ავადებენ პორტის სამუშაოების დაწყებას, ავადებენ ამ პორტის გახსნას და საქართველოს თითოეულ მოქალაქეს, თქვენსა და ჩვენს შვილებს აკარგვინებენ პერსპექტივას, რომ საქართველო ერთ თაობაში, რამდენიმე წელიწადში გახდეს საერთაშორისო სავაჭრო ჯაჭვის განუყოფელი ნაწილი და განვითარებული და ცივილიზებული ქვეყნების სიაში ჩაეწეროს, როგორც მდიდარი, ძლიერი, განვითარებული და უსაფრთხო სახელმწიფო.

საბოტაჟია და საქართველოს ინტერესების მტრობა ანაკლიის პორტის დაპატარავება და მცდელობა, რომ ის არ იყოს იმ მასშტაბის, რაც დღეს სჭირდება შუა დერეფანს და იმ უდიდეს სავაჭრო პოტენციალს, რომელიც შუა დერეფანს აქვს“,- განაცხადა თაზო დათუნაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა