ირაკლი კობახიძისთვის მიუღებელი აღმოჩნდა ჯო ვილსონის ის განცხადება, სადაც მან თქვა, რომ “ქართული ოცნება“ საქართველოში სიტყვის თავისუფლებას  ანადგურებს.

კობახიძე ამერიკის ყოფილ ელჩსაც დაესხა თავს და “საქართველოში სიძულვილის ხელოვნურად გაღვივებაში“ დაადანაშულა.

ზოგადად, ჩვენს ქვეყანაში სიძულვილის გავრცელება არის მიზანმიმართული პროცესის შედეგი. ამ ყველაფერს გარედან აკეთებდნენ. ეს არის ხელოვნურად თავს მოხვეული მოვლენა ჩვენს ქვეყანაში - სიძულვილი, აგრესია. ამ მასშტაბის სიძულვილი და აგრესია არის ხელოვნურად თავს მოხვეული ჩვენი ქვეყნისთვის და ხალხისთვის, რასაც უნდა შევებრძოლოთ.

ასევე, მინდა ბატონ ჯო უილსონს შევახსენო, რომ აშშ-ის წინა ადმინისტრაცია პირდაპირ იყო უხეშად ჩართული საქართველოში სიძულვილის ხელოვნურად გაღვივებაში, მათ შორის წინა ადმინისტრაციის პირობებშია ამერიკის საელჩო და პირადაც ელჩი იყო ჩართული საქართველოში სიძულვილის ხელოვნურად გაღვივებაში. რა თქმა უნდა, ჩვენ ამას დავუპირისპირდებით. შესაბამისად, ჩვენ არ გვაინტერესებს, რას იტყვის „დიფ სთეითის“ კიდევ ერთი აგენტი, ბატონი ჯო უილსონი. ჩვენ გავაკეთებთ იმას, რაც ჩვენს საზოგადოებას სჭირდება. ჩვენს საზოგადოებას და ქვეყანას არ სჭირდება სიძულვილი, სჭირდება პირიქით, ყველაფრის გაკეთება იმისთვის, რომ ჩვენს ქვეყანაში სიძულვილი დავამარცხოთ. სიძულვილი არის განვითარების შემაფერხებელი მოვლენა“,-განაცხადა კობახიძემ.

ამერიკელმა კონგრესმენმა, ჯო უილსონმა განაცხადა, რომ „ქართული ოცნება“ სიტყვის თავისუფლებას ანადგურებს და ამ პრორუსულ, პროირანულ, პროჩინურ რეჟიმს ამერიკა ეზიზღება.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!