კოალიცია „ლელო - ძლიერი საქართველოს“ ერთ-ერთ ლიდერს, ალეკო ელისაშვილს, ახალი ბრალდება წაუყენებენ, იუწყებიან მისი ადვოკატები. დაცვის მხარის თქმით, პროკურატურა პოლიტიკოსს სასამართლოს უპატივცემულობაში ბრალდებას წაუყენებს. ბრალდების მოსმენა 31 ივლისს, 13:00 საათზეა ჩანიშნული.

ადვოკატთა განცხადებით, საქმე სასამართლო პროცესზე დაკითხული მოწმის მიმართ სავარაუდო უპატივცემულობას უკავშირდება. გამოძიება სისხლის სამართლის კოდექსის 366-ე მუხლის პირველი ნაწილით მიმდინარეობს.

დაცვის მხარე აცხადებს, რომ სასამართლო პროცესის დროს ელისაშვილმა არაერთხელ მიუთითა იმაზე, რასაც ბრალდების მხარის მოწმე პოლიციელების ცრუ ჩვენებად მიიჩნევდა. გარდა ამისა, ადვოკატები აცხადებენ, რომ პოლიტიკოსს ასევე ბრალი ედება პოლიციელის შეურაცხყოფაში, რომელსაც ის სასტიკ და არაადამიანურ მოპყრობაში ადანაშაულებს.

დაცვის მხარის თქმით, პროკურატურა მოწმის ჩვენების კრიტიკას სასამართლოს უპატივცემულობად განმარტავს და ახალი ბრალდება ელისაშვილის მიმართ პოლიტიკურად მოტივირებული დევნის ნაწილია.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა

პაპუაშვილი – საქართველო-აშშ-ის ურთიერთობები გადატვირთვის გზით მიდის

კობახიძე - ალდეს ლიბერალობის არაფერი ეტყობა, კვლავაც დგანან რადიკალიზმის, მათ შორის ტერორისტული აქტის მხარეს