საქართველოში აშშ-ის დიპლომატიური მისიის მოვალეობის შემსრულებელი ხელმძღვანელი შეიცვალა. აშშ-ის საელჩოს ცნობით, 2026 წლის ივლისიდან, კარიერული დიპლომატი ემი ვ. დიასი, რომელიც ალან პერსელს შეცვლის, თბილისში აშშ-ის მოვალეობის შემსრულებელი იქნება.

ემი დიასი აშშ-ის საგარეო საქმეთა სამსახურის უფროსი თანამდებობის პირია. საქართველოში დანიშვნამდე, იგი მუშაობდა მალავიში აშშ-ის საელჩოში მოვალეობის შემსრულებელი და მისიის ხელმძღვანელის მოადგილის თანამდებობაზე, აშშ-ის სახელმწიფო დეპარტამენტის ევროპული საქმეთა ბიუროს პოლიტიკისა და გლობალური ურთიერთობების ოფისის დირექტორის მოადგილის თანამდებობაზე, ზიმბაბვეში საკონსულო განყოფილების უფროსად და ავღანეთში აშშ-ის საელჩოში ნარკოტიკებთან ბრძოლის ჯგუფის უფროსად.

ადრე, იგი მუშაობდა კანონის უზენაესობის მრჩევლად და ამერიკის კონტინენტების სამიტის კოორდინატორად პანამაში, შიდა პოლიტიკის განყოფილების უფროსად თბილისში აშშ-ის საელჩოში და ვიცე-კონსულად ზიმბაბვესა და მექსიკაში.

დიასი აშშ-ის სახელმწიფო დეპარტამენტში 2002 წელს, პრეზიდენტის მენეჯმენტის სტიპენდიანტების პროგრამის ფარგლებში დაიწყო მუშაობა და 2005 წლიდან საგარეო საქმეთა სამინისტროს კარიერული თანამდებობის პირია.

მან მერილენდის შტატში, წმინდა იოანეს კოლეჯი დაამთავრა, მოგვიანებით კი არიზონას უნივერსიტეტიდან იურისპრუდენციის დოქტორის ხარისხი მიიღო. სამსახურის განმავლობაში მან სახელმწიფო დეპარტამენტის მრავალი ჯილდო მიიღო. სახელმწიფო დეპარტამენტის განცხადების თანახმად, დიასი დაქორწინებულია და ერთი შვილი ჰყავს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!