საქართველოს რეგიონული განვითარების სამინისტრო სექტემბრიდან ფუნქციონირებას შეწყვეტს. ამის შესახებ "ოცნების" პრემიერ-მინისტრმა ირაკლი კობახიძემ გამართულ ბრიფინგზე განაცხადა.

მისი განმარტებით, რეგიონული პოლიტიკის საკითხებში სახელმწიფო მინისტრის თანამდებობის შექმნის შემდეგ, რეგიონული განვითარების სამინისტროს არსებობის საჭიროება აღარ იქნება, რის გამოც უწყება სექტემბერში გაუქმდება.

კობახიძის ინფორმაციით, მოქმედი მინისტრი კახა გულედანი საქმიანობას საქართველოს ინფრასტრუქტურის მინისტრის პირველი მოადგილის პოზიციაზე გააგრძელებს.

"ოცნების" პრემიერმა კახა გულედანს მინისტრის რანგში გაწეული საქმიანობისთვის მადლობა გადაუხადა და აღნიშნა, რომ მან თანამდებობაზე მუშაობის პერიოდში მაღალი პროფესიონალიზმი და კეთილსინდისიერება გამოავლინა.

როგორც პრემიერ-მინისტრმა განმარტა, სახელმწიფო მინისტრის ახალი თანამდებობის დასაწესებლად შესაბამისი საკანონმდებლო ცვლილებებია საჭირო. ამ ცვლილებების ძალაში შესვლამდე, სექტემბრის პირველ კვირამდე, საქართველოს რეგიონული განვითარების მინისტრის მოვალეობას მამუკა მდინარაძე შეასრულებს.

ამასთან, კობახიძის თქმით, სამართალდამცავი ორგანოების კოორდინაციის საკითხებში სახელმწიფო მინისტრის თანამდებობა სექტემბრის პირველ კვირაში, კანონის საფუძველზე, გაუქმდება, ხოლო მანამდე აღნიშნული პოზიცია ვაკანტური დარჩება.

"ოცნების" პრემიერმა პარლამენტს მიმართა თხოვნით, მომდევნო საპარლამენტო სესიის პირველივე კვირაში დაჩქარებული წესით განიხილოს და დაამტკიცოს საქართველოს მთავრობის სტრუქტურის ცვლილებასთან დაკავშირებული საკანონმდებლო პაკეტი.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!