პრორუსული განწყობებით ცნობილი ნიკოლოზ მჟავანაძე აცხადებს, რომ პარტია „სოლიდარობა მშვიდობისთვის“ ერთ-ერთმა ლიდერმა მამუკა ფიფიამ დაურეკა, მიაყენა სიტყვიერი შეურაცხყოფა და დაემუქრა.

მჟავანაძის თქმით, მოსკოვში ჩასვლისთანავე მამუკა ფიფიამ გაავრცელა საჯარო განცხადება ქართულ და რუსულ ენებზე, სადაც აღნიშნა, რომ მას ნიკოლოზ მჟავანაძესთან არანაირი კავშირი აღარ აქვს. მიზანი კი  მისი რეპუტაციის შელახვაა. 

მჟავანაძე ამტკიცებს, რომ ფიფია მის წინააღმდეგ ფინანურ ბერკეტს იყენებს. მჟავანაძე ადასტურებს, რომ ფიფიამ მას რამდენჯერმე ჩაურიცხა გარკვეული ფულადი თანხა. თუმცა განმარტავს, რომ ეს იყო საფასური იმ უზარმაზარი ტექნიკური შრომისა, რომელსაც ის ფიფიას ინტერვიუების დამონტაჟებისას ეწეოდა.

მჟავანაძე ირწმუნება, რომ ფიფიამ თავად გამოთქვა ამ ფინანსური კონტრიბუციის სურვილი. მჟავანაძე აცხადებს, რომ ამ მცირე ფინანსური დახმარების გამო ფიფიამ ჩათვალა, რომ მჟავანაძე მისი „მონა“ უნდა ყოფილიყო, დაიწყო შეურაცხმყოფელი ქცევა, რის გამოც მჟავანაძემ მასთან ყველანაირი კავშირი გაწყვიტა.

ამის შემდეგ კი, მჟავანაძის მტკიცებით მას ფიფია რუსეთში ბლოკავს. პრობლემებს უქმნის სამსახურის დაწყებაში და აკრედიტაციების მიღებაში. 

მჟავანაძე ვრცელ მიმართვაში ახსენებს მამუკა ფიფიას, სადაც ის ამბობს, რომ მას ლიბერალებთან და უკრაინაში მებრძოლ ქართველებთან ერთად, მას ქართული ე.წ. პრორუსული ფლანგიც ებრძვის.

მჟავანაძის თქმით, ამ გამოსვლიდან მეორე დღესვე,  მას ტელეფონზე უცხო ნომრიდან დაურეკა ფიფიამ და დაუწყო გინება. მჟავანაძემ ამ კომუნიკაციის ამსახველ ჩანაწერსაც ავრცელებს. 

მჟავანაძე ფიფიას ფრაზაზს: „ხალხი ბაგაჟნიკით სასაფლაოზე დამყავდაო“.  პირდაპირი მუქარად აღიქვამს. 

მჟავანაძის ბრალდებებზე მამუკა ფიფიას კომენტარი არ გაუვრცელებია. 

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!