ევროკავშირის საბჭომ რუსეთის წინააღმდეგ სანქციების 21-ე პაკეტი დაამტკიცა, რომელიც ენერგეტიკას, ფინანსურ მომსახურებასა და კრიპტო სექტორს ეხება. ეს არის ბოლო ოთხი წლის განმავლობაში ინდივიდუალური სანქციების ყველაზე დიდი ჯგუფი, რომელიც ჯამში 218 სუბიექტს (48 ფიზიკურ და 170 იურიდიულ პირს) მოიცავს.

ახალი პაკეტის ფარგლებში ევროკავშირი ტრანზაქციების აკრძალვას დაუწესებს ქართულ ნავთობგადამამუშავებელ ქარხანას, რომელიც რუსულ ნედლ ნავთობს ყულევში ამუშავებს — აღნიშნული გადაწყვეტილება ძალაში ექვს თვეში შევა.

„გარდა ამისა, პაკეტი ქმნის შესაძლებლობას აიკრძალოს ტრანზაქციები სიაში შეყვანილ ნავთობგადამამუშავებელ ქარხნებთან რუსეთსა და მესამე ქვეყნებში, რომლებიც ამუშავებენ ან ასუფთავებენ რუსულ ნედლ ნავთობს და ნავთობპროდუქტებს“, — ნათქვამია ევროკავშირის ოფიციალურ განცხადებაში.

სანქციების ფარგლებში, ტრანზაქციების აკრძალვა ასევე გავრცელდა კრიპტოვალუტებთან დაკავშირებულ 14 მომსახურების პლატფორმაზე, რომლებიც ბაზირებულია საქართველოში, პანამაში, არაბთა გაერთიანებულ საამიროებში, მარშალის კუნძულებზე, ყირგიზეთსა და ბელარუსში. პირველად, ევროკავშირს შემოაქვს მესამე ქვეყნებისთვის კრიპტო-აქტივების მომსახურების სრული აკრძალვის შესაძლებლობაც, იმ პლატფორმების წინააღმდეგ, რომლებიც რუსეთს სანქციების გვერდის ავლით ეხმარებიან.

ფინანსურ სექტორში აქტივები გაეყინა 94 ბანკსა და მსხვილ ინსტიტუტს, ხოლო ტრანზაქციების აკრძალვა გავრცელდა კიდევ 33 რუსულ საკრედიტო დაწესებულებაზე, 2 პორტსა და 4 აეროპორტზე. სანქციები დაუწესდა ჩრდილოვანი ფლოტის 41 ხომალდსაც, რომლებიც რუსულ ნავთობსა თუ სამხედრო ტვირთებს გადაზიდავენ.

გარდა ამისა, შეზღუდვები შეეხო რუსეთის სამხედრო-სამრეწველო კომპლექსში ჩართულ 56 პირსა და კომპანიას (მათ შორის დრონების მწარმოებლებს) და 51 სუბიექტს მესამე ქვეყნებიდან (ჩინეთი, თურქეთი, ინდოეთი და სხვ.). პაკეტი ასევე ითვალისწინებს საექსპორტო-საიმპორტო შეზღუდვების გაფართოებას, რუსი მებრძოლებისთვის ვიზების სრული აკრძალვის საფუძვლებს და ანალოგიურ სავაჭრო ზომებს ბელარუსის მიმართ.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!