ზელენსკიმ ფედოროვს ვიცე-პრემიერობა შესთავაზა, თუმცა ექს-მინისტრი მხოლოდ ძველ პოსტზე დაბრუნებას თანხმდება უკრაინის პრეზიდენტმა, ვოლოდიმირ ზელენსკიმ თავდაცვის ყოფილ მინისტრს, მიხაილო ფედოროვს ახალ ხელისუფლებაში სამხედრო ნოვაციათა განხრით ვიცე-პრემიერის თანამდებობა შესთავაზა.

ზელენსკის თქმით, ფედოროვი გუნდში რჩება და ეს პოსტი უმნიშვნელოვანესია, რადგან ტექნოლოგიური განვითარების კოორდინაცია უნდა მოხდეს თავდაცვის სამინისტროს, გენერალურ შტაბსა და პრეზიდენტს შორის.

მიუხედავად პრეზიდენტის შეთავაზებებისა, მიხაილო ფედოროვმა ყველა ალტერნატიულ პოზიციაზე უარი განაცხადა. მან აღნიშნა, რომ ზელენსკის მადლობელია, თუმცა სახელმწიფოში ომის მიმდინარეობას უშუალოდ ფრონტზე მყოფთა გარდა მხოლოდ სამი თანამდებობა განსაზღვრავს — პრეზიდენტი, თავდაცვის მინისტრი და მთავარსარდალი, რის გამოც იგი მხოლოდ თავდაცვის მინისტრის პოსტზე დაბრუნებას განიხილავს.

ფედოროვის გათავისუფლებას უკრაინაში საპროტესტო გამოსვლები მოჰყვა, სადაც მოქალაქეები მისი ძველ თანამდებობაზე დაბრუნებას ითხოვენ. გასულ კვირაში, პოსტის დატოვების შემდეგ, ფედოროვმა შეიარაღებული ძალების მაშინდელი მთავარსარდალი ოლექსანდრ სირსკი მართვის ძველი სისტემის გამო გააკრიტიკა, რასაც მათ შორის არსებულ კონფლიქტს უკავშირებენ.

შექმნილი საკადრო ცვლილებების ფონზე, ვოლოდიმირ ზელენსკიმ თავდაცვის მინისტრის მოვალეობის შემსრულებლად უშიშროების სამსახურის ყოფილი ხელმძღვანელი ევჰენ ხმარა დანიშნა, ხოლო შეიარაღებული ძალების მთავარსარდლის პოსტზე სირსკი მიხაილო დრაპატით ჩაანაცვლა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!