მსოფლიო ჭადრაკის ლეგენდამ, იუდიტ პოლგარმა უნგრეთის პრეზიდენტობაზე უარი თქვა. ქვეყნის მეთაურის პოსტი მას პრემიერ-მინისტრმა, პეტერ მადიარმა შესთავაზა. 

50 წლის იუბილემდე ცოტა ხნით ადრე, ტიტულოვანმა მოჭადრაკემ სოციალურ ქსელში ოფიციალური განცხადება გავრცელა. პოლგარმა აღნიშნა, რომ პრემიერის შეთავაზებას უდიდეს პატივად მიიჩნევს, თუმცა პოსტის დაკავებაზე უარს ამბობს.

მისი განმარტებით, ამ ეტაპზე საკუთარ თავში ვერ ხედავს საკმარის ძალას იმისათვის, რომ იკისროს პოლიტიკურად გახლეჩილი საზოგადოების გამაერთიანებლის რთული და ისტორიული მისია. ამასთან, პოლგარმა დასძინა, რომ მზადაა მხარი დაუჭიროს ნებისმიერ დამოუკიდებელ და ავტორიტეტულ კანდიდატს, რომელიც ამ საპატიო ფუნქციას შეითავსებს.

პრემიერ-მინისტრმა პეტერ მადიარმა უკვე განაცხადა, რომ პატივს სცემს დიდოსტატის გადაწყვეტილებას და მას მადლობა გადაუხადა ქვეყნის წინაშე არსებული დამსახურებებისათვის.

უნგრეთში უმაღლესი სახელმწიფო თანამდებობა მას შემდეგ გახდა ვაკანტური, რაც ყოფილ პრეზიდენტს, ტამაშ შუიოკს თანამდებობის დატოვება მოუხდა. საპარლამენტო უმრავლესობის მქონე მმართველმა პარტიამ, „ტისამ“, საკონსტიტუციო ცვლილებების პაკეტი დაამტკიცა, რამაც მოქმედ პრეზიდენტს უფლებამოსილების ვადა შეუმცირა.

პრემიერ მადიარის ჩანაფიქრით, ვიქტორ ორბანის 15-წლიანი მმართველობის შემდეგ პოლგარის პრეზიდენტად არჩევა საზოგადოებრივი კონსოლიდაციის საუკეთესო გარანტი გახდებოდა.

ავტორი: ექსპრესნიუსი,

სოციალური ქსელები

ნორვეგიის პრინცესა ასტრიდი ძმის დაკრძალვიდან მეორე დღეს 94 წლის ასაკში გარდაიცვალა

ჩერგოლეიშვილი - სიმონიანზე, აგინებინეს ნახევარ საქართველოს და ახლა ბარამიძის დაჭერით აბალანსებენ

ფავლენიშვილი - ბარამიძის დაკავება იმ ადამიანების მიერ, რომელთა განცხადებებსაც ოკუპანტები იყენებენ, - აბსოლუტურად მიუღებელია და აუტანელია

წითლიძე -ოცნებას სურს რუსეთისადმი ერთგულების დემონსტრირება, სადაც ბარამიძე რამდენიმე თვის წინ დაუსწრებლად გაასამართლეს