ნიკა გვარამია სინამდვილეში წუხს, რომ ხელისუფლებაში არ არის და კიდევ უფრო ძალიან არ და ვერ ჩაგრავს ქართველ ხალხს. მისი წამოცდენა ნიშნავს იმას, რომ მისთვის და მისნაირებისთვის ქართველის სიცოცხლე იყიდება ჩვეულებრივად და ძვირად შეუძლიათ, გაყიდონ, - ამის შესახებ ივანიშვილის წარმომადგენელმა მამუკა მდინარაძემ მთავრობის ადმინისტრაციაში გამართულ ბრიფინგზე განაცხადა.

როგორც მამუკა მდინარაძემ აღნიშნა, ისინი ნერვიულობენ იმაზე, რომ საქართველო არ ჩაერთო ომში და მერე ადამიანის სიცოცხლით ვერ ივაჭრეს.

„ნიკა გვარამია სინამდვილეში წუხს, რომ ხელისუფლებაში არ არის და კიდევ უფრო ძალიან არ და ვერ ჩაგრავს ქართველ ხალხს. რეალურად ამაზე წუხს. მაგრამ ეს წამოცდენა ნიშნავს იმას, რომ მისთვის და მისნაირებისთვის ქართველის სიცოცხლე, ისევე, როგორც აღმოჩნდა ვიღაცებისთვის, არ დავაკონკრეტებ, უკრაინელის სიცოცხლე, იყიდება ჩვეულებრივად და ძვირად შეუძლიათ, გაყიდონ. ისინი ნერვიულობენ, როგორ არ ჩაერთო საქართველო ომში და მერე ადამიანის სიცოცხლით როგორ ვერ ივაჭრეს იმ ხალხთან, რომელიც არანაირ ტრილიონებს არ ხარჯავს და რომც დახარჯონ, ეს რა მორალური მიდგომაა, ამას საზოგადოება კარგად ხვდება. ალბათ გაავსებენ სესხებით და არა ტრილიონებით, მერე მინერალებს, სხვადასხვა რესურსებს, მიწას, წიაღისეულს გადაინაწილებენ და ამისთვის ბრძოლაში იქნებოდნენ ისინი წარმატებულები, ხელისუფლებაში რომ ყოფილიყვნენ. ეს არის მათი მარტივი ამოცანა და ნერვიულობა, თუ რატომ ვერ მოახერხეს ეს. სამწუხარო ის არის, რომ არა მხოლოდ გარე დავალების მიმღები აგენტურა, არამედ გარეთ მათი პატრონები უფრო ნერვიულობენ იმაზე, რომ საქართველოში ეს ვერ მოახერხეს. იმიტომ, რომ საქართველო არის გამოკვეთილი ლიდერი დამოუკიდებლობის ხარისხით. ის, რომ საქართველოში მიიღება გადაწყვეტილებები ქართველი ხალხისა და ამ ქვეყნის შესახებ, ეს ძალიან აწუხებთ გარეთ სხვადასხვა ჯგუფებს და შიგნით ეთნიკურად მათ წარმომადგენლებს. მხოლოდ ეთნიკურად, რადგან მათ რაიმე სხვა ქართული არ გააჩნიათ", - განაცხადა მამუკა მდინარაძემ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას