რუსეთის პრეზიდენტის სპეციალური წარმომადგენელი, მიხაილ შვიდკოი რუსეთ-საქართველოს შორის ურთიერთობებზე საუბრობს და აცხადებს, რომ კულტურას შეუძლია ამ ორ ქვეყანას შორის ნდობის აღდგენაში მნიშვნელოვანი როლი შეასრულოს.

რუსული მედიის ინფორმაციით, შვიდკოი, რომელიც მოსკოვის მუსიკალური თეატრის სამხატვრო ხელმძღვანელიცაა, 14-15 ივნისს თბილისში იმყოფებოდა და კინოსპექტაკლების ჩვენებებს დაესწრო.

მისი თქმით, კულტურა ის სფეროა, რომელსაც შეუძლია ქვეყნებს შორის ნდობის ატმოსფერო ეტაპობრივად, ძალდატანების გარეშე აღადგინოს.

„ხალხები ყოველთვის ერთმანეთისკენ ისწრაფვიან. ჩვენს ქვეყნებს შორის ძალიან ღრმა კავშირები არსებობს“, – განაცხადა შვიდკოიმ.

მისივე თქმით, რუსეთი ქართველი ხელოვანებისთვის ღიაა. შვიდკოიმ აღნიშნა, რომ რუსეთში მრავალი ქართველი მუსიკოსი და შემსრულებელი მოღვაწეობს, ხოლო ქართული შემოქმედებითი კოლექტივები ქვეყანას რეგულარულად სტუმრობენ

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება