რუსეთის მოქალაქე ტატიანა კურაშკევიჩი, რომელსაც აშშ სანქციებისგან თავის არიდებასა და ფინანსურ დანაშაულებში ადანაშაულებს, თბილისის საერთაშორისო აეროპორტში დააკავეს.

საქართველოს შინაგან საქმეთა სამინისტროს ცნობით, ოპერაცია ცენტრალური კრიმინალური პოლიციის დეპარტამენტისა და გენერალური პროკურატურის თანამშრომლებმა აშშ-ის ფედერალური გამოძიების ბიუროს (FBI) დახმარებით ჩაატარეს. მას ბრალი ედება დანაშაულებრივ საქმიანობაში დახმარებაში, დანაშაულებრივ შეთქმულებაში მონაწილეობასა და ფულის გათეთრებაში.

რუსეთის პრეზიდენტის ადამიანის უფლებათა საბჭოს წევრის, ევა მერკაჩოვას თქმით, საქართველოს სასამართლომ კურაშკევიჩს წინასწარი პატიმრობა უკვე შეუფარდა. იგი აცხადებს, რომ რუსეთის მოქალაქეს ბრალი ედება ეკონომიკურ დანაშაულებში, მათ შორის რუსეთის წინააღმდეგ სანქციების გვერდის ავლაში. აშშ მის ექსტრადიციას ითხოვს.

დაკავება ინტერპოლის ორდერისა და FBI-ის მოთხოვნის საფუძველზე განხორციელდა. ჟურნალისტები იუწყებიან, რომ საქმე შესაძლოა ავიაციის ინდუსტრიისთვის კომპონენტების ექსპორტ-იმპორტს უკავშირდებოდეს.

აღნიშნულია, რომ კურაშკევიჩი საქართველოში ტურისტად ჩამოვიდა და ქვეყანასთან არანაირი კავშირი არ აქვს.

რუსი ქალის შეერთებულ შტატებში შესაძლო ექსტრადიციის საკითხი შემდგომი სამართლებრივი პროცედურების დროს გადაწყდება.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!