რუსეთის საგარეო საქმეთა სამინისტროს ინფორმაციით, 5 ივნისს რუსეთის საგარეო საქმეთა მინისტრის მოადგილე მიხაილ გალუზინი მონაწილეობას მიიღებს „3+3“ რეგიონული თანამშრომლობის პლატფორმის პირველ ექსპერტთა შეხვედრაში, რომელიც სანქტ-პეტერბურგის საერთაშორისო ეკონომიკური ფორუმის (SPIEF) ფარგლებში გაიმართება.

ინფორმაცია რუსეთის საგარეო საქმეთა სამინისტროს ოფიციალურმა X-ანგარიშმა გაავრცელა.

გამოქვეყნებული განცხადების თანახმად, „3+3“ ფორმატი მოიცავს აზერბაიჯანს, სომხეთსა და საქართველოს, ასევე რუსეთს, ირანსა და თურქეთს.

ტვიტის ტექსტი ქართულად ასე ითარგმნება:

„ზახაროვა: 5 ივნისს რუსეთის საგარეო საქმეთა მინისტრის მოადგილე მიხაილ გალუზინი მონაწილეობას მიიღებს 3+3 რეგიონული თანამშრომლობის პლატფორმის პირველ ექსპერტთა შეხვედრაში - აზერბაიჯანი, სომხეთი და საქართველო, ასევე რუსეთი, ირანი და თურქეთი - SPIEF-ის ფარგლებში“, - წერია განცხადებაში.

ამ ეტაპზე რუსეთის საგარეო საქმეთა სამინისტროს განცხადებაში არ არის დაკონკრეტებული, მიიღებს თუ არა საქართველო მონაწილეობას აღნიშნულ შეხვედრაში. პოსტში საქართველო მოხსენიებულია, როგორც „3+3“ ფორმატის ერთ-ერთი მონაწილე ქვეყანა, თუმცა კონკრეტული დელეგაციების შემადგენლობა ან მონაწილეთა საბოლოო სია არ არის გამოქვეყნებული.

საქართველოს მონაწილეობასთან დაკავშირებით დამატებითი დეტალების დაზუსტების მიზნით, „ფორმულამ“ შეკითხვით მიმართა საგარეო საქმეთა სამინისტროს. კერძოდ, რედაქცია დაინტერესდა, იგეგმება თუ არა საქართველოს წარმომადგენლების მონაწილეობა „3+3“ რეგიონული თანამშრომლობის პლატფორმის აღნიშნულ შეხვედრაში. უწყებისგან პასუხი ამ დროისთვის მიღებული არ არის.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება