ამერიკის შეერთებული შტატების სახელმწიფო მდივანმა მარკო რუბიომ ჯო უილსონის კითხვის პასუხად თქვა, რომ საქართველოს ხელისუფლებას უკვე განუმარტეს, რა იქნება საჭირო საქართველო-აშშ-ის ურთიერთობების გასაუმჯობესებლად.

მან აღნიშნა, რომ მიიღეს "გარკვეული პოზიტიური გამოხმაურებები" და იმედი გამოთქვა, რომ შეძლებენ "ტრაექტორიის ცვლილების დანახვას".

ჯო უილსონმა მარკო რუბიოს ჰკითხა: 

"ირანის მხარდამჭერი რეჟიმი და ჩინეთის კომუნისტური პარტიის მიერ მხარდაჭერილი ქართული ოცნების მთავრობა, რომელიც არალეგიტიმურია, საფრთხეს უქმნის აშშ-ის წვდომას. საქართველოში გაყალბდა არჩევნები. ამის გათვალისწინებით, ისინი ხელს უწყობენ „ისლამური რევოლუციის გუშაგთა კორპუსს“ და თეირანისთვის სანქციების გვერდის ავლას. თქვენ როგორ ფიქრობთ, რა უნდა გაკეთდეს სწრაფად მზარდი რადიკალიზაციის აღსაკვეთად, რომელსაც ქართული ოცნების მთავრობა ხელს უწყობს საქართველოს რესპუბლიკაში?".

მარკო რუბიოს პასუხი:

"საქართველოსთან დაკავშირებით - მართალი ხართ, ყველაფერი, რაც თქვენ ახლა ჩამოთვალეთ, ჩვენს მანამდე არსებულ შეშფოთებას წარმოადგენს. მას შემდეგ მათ [საქართველოს ხელისუფლებამ] გადადგეს გარკვეული ნაბიჯები, რაც მიგვანიშნებს იმაზე, რომ მათ სურთ ამერიკის შეერთებულ შტატებთან ურთიერთობების გაუმჯობესება.

ჩვენ მათ განვუმარტეთ, თუ რა იქნება ამისთვის საჭირო და რა მოეთხოვებათ. მივიღეთ გარკვეული პოზიტიური გამოხმაურებები და ამიტომ, ჩვენ იმედი გვაქვს, რომ შევძლებთ ტრაექტორიის ცვლილების დანახვას საქართველოს შემთხვევაში იმასთან შედარებით, სადაც ის დღეს იმყოფება.

რა თქმა უნდა, ჩვენ გვესმის, რომ ყველა საკითხი, რაც ახლა წარმოადგინეთ, ჩვენთვის მანამდე არსებულ პრობლემებს წარმოადგენს. მათ გვკითხეს, რა იქნება საჭირო ამერიკის შეერთებულ შტატებთან უკეთესი ურთიერთობისთვის. ჩვენ ვუპასუხეთ და იმედია, შევძლებთ ამ საფუძველზე დაყრდნობით მუშაობას და შესაძლოა შევცვალოთ ტრაექტორია - არა მხოლოდ საქართველოსთან ჩვენი ურთიერთობის, არამედ მათი ქცევისაც", - თქვა მარკო რუბიომ. 

ავტორი: ექსპრესნიუსი,

სოციალური ქსელები

ივლისში, რუსეთსა და უკრაინას შორის ომში რეკორდული რაოდენობის მშვიდობიანი მოსახლეობის დაღუპვა დაფიქსირდა

ზელენსკიმ არჩევნების შემდეგ რუსეთში მობილიზაციის ორი ტალღის შესახებ განაცხადა

უკრაინულმა დრონებმა კრასნოდარის მხარეზე მასშტაბური თავდასხმა განახორციელეს- ორი ადამიანი დაიღუპა და 12 დაშავდა.

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას