გორში პოლიციელების მიერ ნაცემი პაპუნა ლოცულაშვილი ამ დრომდე კლინიკაში რჩება. ფორმულასთან მისი ძმა გიგლა ლოცულაშვილი ამბობს, რომ პაპუნა კლინიკაში თავბრუსხვევით გადაიყვანეს და მან ორჯერ დაკარგა გონება. 

მისივე თქმით, ოჯახს ერთადერთი მოთხოვნა აქვს, რომ პაპუნა ლოცულაშვილს პოლიციელზე თავდასხმის მუხლი მოეხსნას. 

"გადმოვიყვანეთ წუხელ. ჰქონდა თავბრუსხვევა, ორჯერ წაუვიდა გული. ტკივილები ტანის, თავის არეში, ეს გახდა გადმოყვანის მიზეზი. შემდეგი ის არის, რომ ჩვენი მოთხოვნა ერთადერთია - მოეხსნას ბრალი. სრული აბსურდია, არავისთვის ქვა არ ჩაურტყამს, არც დანა არ ჰქონია. არანაირი აგრესიული ჩემი ძმა არ არის, მშვიდი პიროვნებაა ძალიან. მე არ მაქვს მოლოდინი და დიდი იმედი მაქვს, რომ არ დააკავებენ", - ამბობს ის. 

ფორმულასთან კომენტარი გააკეთა პაპუნა ლოცულაშვილის ადვოკატმაც. ლაშა ტყეშელაძე ბრალის გადაკვალიფიცირებას ითხოვს. 

'წამების მსხვერეპლ პაპუნას აქვს გაუსაძლისი ტკივილები, სახლში მან 2-ჯერ დაკარგა გონება, რის შემდეგაც ოჯახმა გადაწყვიტა, გადაეყვანათ საავადმყოფოში, სადაც გადის სამედიცინო შემოწმებებს და მკურნალობას. მე პროკურატურას ვთხოვ, დაუყოვნებლივ შეწყვიტეთ გამოძიება ნაწამები პაპუნას წინააღმდეგ და გადააკვალიფიცირეთ მუხლი, წამების მუხლით და დასაჯეთ ყველა პოლიციელი", - ამბობს ის. 

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება