|
2026-05-28 15:24:00, 3933 ნახვა
პოლიტიკა
ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა
ირანის ელჩმა თბილისში, ალი მოჯანიმ, "ქართული ოცნების" პრეზიდენტ მიხეილ ყაველაშვილის დედაქალაქის ჯუმა მეჩეთში ვიზიტის შესახებ განაცხადა. მან მადლობა გადაუხადა ყაველაშვილს „მუსლიმურ სამყაროსთან დიალოგისთვის“ და აღნიშნა, რომ ეს ნაბიჯი გაცილებით მნიშვნელოვანია, ვიდრე უბრალოდ ოფიციალური ვიზიტი. „თბილისის ჯუმა მეჩეთში საქართველოს პრეზიდენტთან შეხვედრისას, როგორც მუსლიმური ქვეყნის, ირანის ისლამური რესპუბლიკის ელჩს, მინდოდა ერთი მნიშვნელოვანი აზრი გამეზიარებინა: ჩვენი და თქვენი ხედვები მსოფლიოს ფილოსოფიის, ადამიანის ადგილისა და როლის შესახებ ძალიან ახლოსაა“. დიპლომატის თქმით, დღეს, როდესაც მუსლიმები აღნიშნავენ ყურბან-ბაირამს, დიდი მნიშვნელობა ენიჭება საქართველოს გარდაცვლილი პატრიარქის, ილია II-ის, მრავალი წლის წინ წარმოთქმულ სიტყვებს. მან სამი ფუნდამენტური პრინციპი დაასახელა: „ღმერთი, სამშობლო და ადამიანი“. ალი მოჯანი მიიჩნევს, რომ ეს იდეა აერთიანებს ისლამურ აზროვნებასა და მართლმადიდებლურ ქრისტიანულ მსოფლმხედველობას. ელჩმა ასევე აღნიშნა, რომ ყაველაშვილის მეჩეთში ვიზიტი ურთიერთპატივისცემის, თანაარსებობისა და ცივილიზაციებს შორის დიალოგის მნიშვნელოვანი ნიშანია. „ჩვენ უნდა ვეცადოთ, რომ ისლამურ და მართლმადიდებლურ სამყაროებს შორის ურთიერთობები არ შემოიფარგლოს მხოლოდ თეოლოგიური დისკუსიებითა და რელიგიური წრეებით, არამედ იქცეს ცოცხალ კავშირად ხალხებს, ოჯახებსა და ინდივიდებს შორის, რადგან მშვიდობიანი მომავალი სწორედ ადამიანების ერთმანეთის გაცნობით შენდება“, - განაცხადა ირანელმა დიპლომატმა.
The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა
დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს
ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული
ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება
|
რედაქტორის რჩევით
აგვისტოში, საარსებო შემწეობის მიმღებთა რიცხვი კიდევ 6500-ით შემცირდა,- რეჟიმი ხალხს შემწეობას აღარ უხდის
როგორ ემსახურება კრემლს ივანიშვილი და მისი მარიონეტები, პატიმრების რუსეთში ექსტრადირების განახლებით
ომი უკრაინაში
რუსეთმა ღამით საჰაერო დარტყმები განახორციელა კიევის, ოდესისა და ზაპოროჟიეს რეგიონებზე- ხუთი ადამიანი დაიღუპა.
კიევზე რუსეთის საჰაერო დარტყმების შედეგად ორი ადამიანი დაიღუპა და რვა დაშავდა
ვიდეო/LIVE პატრიარქის ილია მეორის დაკრძალვა - პირდაპირი
აგვისტოში, საარსებო შემწეობის მიმღებთა რიცხვი კიდევ 6500-ით შემცირდა,- რეჟიმი ხალხს შემწეობას აღარ უხდის
მთავარი თემა
|


ავტორი: ექსპრესნიუსი,



epn.ge (@expressnews.ge)