საქართველოს მესამე პრეზიდენტი მოქალაქეებს მოუწოდებს „წინააღმდეგობის მოძრაობის“ მომზადებისკენ. ამისთვის, როგორც მიხეილ სააკაშვილი ფეისბუქზე წერს, „საჭიროა სტრატეგიული ხედვისა და დიდი გამბედაობის მქონე ადამიანები“.

„ეს იდეალურად შეესაბამება დღევანდელ სიტუაციას. იცით, როგორ და რატომ შეიქმნა „ნაციონალური მოძრაობა“? 2001 წელს ჩემი მეგობარი და ძალიან კარგი ჟურნალისტი, გიორგი სანაია (ვახოს ძმა), მოკლეს. ბევრი ადამიანი გამოვიდა ქუჩაში პროტესტის ნიშნად და მოითხოვა შევარდნაძის გადადგომა. ეს იყო სპონტანური და არაორგანიზებული პროტესტი, რომელიც მესამე დღეს ჩაცხრა და იმპულსი დაკარგა.

სწორედ მაშინ ვუთხარი ლევან ბერძენიშვილს, რომ რევოლუციის განსახორციელებლად უნდა შეგვექმნა ეროვნული მოძრაობა და ასე ჩამოყალიბდა „ნაციონალური მოძრაობა“, რეგიონებში ბევრი აქტივისტით, რომლებმაც იცოდნენ, რომ რევოლუცია უნდა გაეკეთებინათ. ცხვარიჭამიაში შევქმენით სკოლა, სადაც ყველა აქტივისტს რევოლუციურ ტაქტიკაში ვამზადებდით.

არ მქონდა ილუზია, რომ შევარდნაძე და კორუმპირებული ისტებლიშმენტი რევოლუციის გარეშე დათმობდა ხელისუფლებას. პატარკაციშვილი და ივანიშვილი უკვე ჩასაფრებულები იყვნენ. შევარდნაძის ოჯახს სურდა, რომ მათ შემდეგ გია ჭანტურია („ქართული ნავთობის“ ხელმძღვანელი) ყოფილიყო, მაგრამ მას შემდეგ, რაც არჩევნები, როგორც მოსალოდნელი იყო, გაყალბდა, რევოლუციურმა სცენარმა მათი გეგმები ჩაშალა. „მაგრამ ამისთვის“ „რომ მოხდეს, წინააღმდეგობის მოძრაობა მომზადებული უნდა იყოს და არა აგებული იმ მოლოდინზე, რომ ყველაფერი ავტომატურად მოხდება. ამისთვის საჭიროა სტრატეგიული ხედვისა და დიდი გამბედაობის მქონე ადამიანები“, - წერს სააკაშვილი.

ავტორი: ექსპრესნიუსი,

სოციალური ქსელები

სამხრეთ კორეამ უკრაინა დაადანაშაულა ორი ჩრდილოეთ კორეელი სამხედრო ტყვეების საიდუმლოდ გადაცემის გამჟღავნებაში და ბოდიშის მოხდა მოითხოვა

ავტოსაგზაო შემთხვევას მოტომრბოლელი, საქართველოს ორგზის ჩემპიონი დავით რობანიშვილი ემსხვერპლა

ალექსანდრ ვუჩიჩმა სერბეთის პრეზიდენტის პოსტი დატოვა

რუსეთის საჰაერო დარტყმების შედეგად ხარკოვში 22 ადამიანი დაშავდა, ხოლო კიევში - ოთხი