საქართველოს სახელმწიფო უსაფრთხოების სამსახურმა ვიდეოჩანაწერი გამოაქვეყნა ე.წ. ჯაშუშობის საქმეზე.

„ჩანაწერი ასახავს ჯაშუშობის ბრალდებით დაკავებულ მოქალაქეს, რომელიც საიდუმლო შეხვედრის დროს ინსტრუქციებს იღებს, ფულს იღებს და შესაბამის ხელმოწერას აწერს ხელს“, - ნათქვამია სახელმწიფო უსაფრთხოების სამსახურის განცხადებაში.

შეგახსენებთ, რომ გიორგი უძილაური, რომელიც ბიძინა ივანიშვილის „ქართუს“ ჯგუფის საზოგადოებასთან ურთიერთობის ხელმძღვანელის თანამდებობას იკავებდა, 5 მაისს დააკავეს.

პროკურატურის ცნობით, სახელმწიფო უსაფრთხოების სამსახურის კონტრდაზვერვის დეპარტამენტის მიერ ჩატარებული გამოძიებით დადგინდა, რომ სამთავრობო უწყების მაღალჩინოსანი სისტემატურად აგროვებდა და გადასცემდა სხვადასხვა ტიპისა და კატეგორიის ინფორმაციას უცხო ქვეყნის სადაზვერვო სააგენტოებისთვის ფინანსური სარგებლის მიღების მიზნით, საქართველოს ინტერესების საზიანოდ.

მას ბრალი წაუყენეს საქართველოს სისხლის სამართლის კოდექსის 314-ე მუხლით (ჯაშუშობა), რაც 12 წლამდე თავისუფლების აღკვეთას ითვალისწინებს.

საქალაქო სასამართლომ გიორგი უძილაურს წინასწარი პატიმრობა შეუფარდა. საქმეს გრიფი „საიდუმლო“ ადევს.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!