მოსამართლე თორნიკე კაპანაძემ 2500 ლარით დააჯარიმა აქტივისტი ია მელითაური. მან მიიჩნია, რომ სადავო Facebook-პოსტი პოლიციელ ლაშა სალუქვაძეს შეურაცხყოფდა.

სადავოდ გამხდარ პოსტში ეწერა: „სალუქვაძე, #... შენა, წადი #... იმკურნალე ისევ, კიდევ არ გიწერ რატომ“ - იმის მიუხედავად, რომ ნახსენები არ იყო სახელი, შინაგან საქმეთა სამინისტროს იურისტები ირწმუნებოდნენ, რომ ეს პოლიციელ ლაშა სალუქვაძეს მიემართებოდა.

გუშინ, 4 მაისს გამართულ სხდომაზე ადვოკატმა დიმიტრი ვარდიაშვილმა მოიყვანა მაგალითი ადამიანის უფლებათა ევროპული სასამართლოს პრაქტიკიდან - როდესაც რუსი სამართალდამცველების სიტყვიერი შეურაცხყოფისა და მუქარის გამო გასამართლებული მოქალაქის მიმართ სტრასბურგის სასამართლომ კონვენციის მე-10 მუხლის დარღვევა დაადგინა. ადვოკატმა ვარდიაშვილმა დაამატა, რომ იმ საქმესა და მელითაურის საქმეს შორის „სხვაობა ისეთივეა, როგორც სპილოსა და ჭიანჭველას შორის“.

„სალუქვაძე შეიძლება იყოს როგორც ლაშა, ასევე დიმიტრი, ალექსანდრე, გიორგი… შეიძლება იყოს პოლიციელიც ან სხვა პროფესიის ადამიანი”, - უთხრა რადიო თავისუფლებას მელითაურის ადვოკატმა.

შსს-მ საქმის წარმოება გასული წლის შემოდგომაზე დაიწყო, ადმინისტრაციულ სამართალდარღვევათა კოდექსის 173-ე მუხლის მე-2 ნაწილით. ამ მუხლით განსაზღვრულია ჯარიმა 2000-დან 5000 ლარამდე ანდა ადმინისტრაციული პატიმრობა 60 დღემდე.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას