28 აპრილს ხულოს სახელმწიფო დრამატულ თეატრში ინტერაქციული სპექტაკლი „წინ და წინ - ფინანსობანა" გაიმართა. „წინ და წინ – ფინანსობანა" მოზარდებისთვის შექმნილი პირველი ქართული სპექტაკლია ფინანსურ თემაზე, რომელიც თამაშისა და ინტერაქციის ფორმით აცნობს მათ ისეთ მნიშვნელოვან საკითხებს, როგორებიცაა ფინანსური უსაფრთხოება, დაზოგვა, მიზნების დასახვა და მეწარმეობის საფუძვლები. სპექტაკლს ესწრებოდნენ როგორც "ფინედუს" პროექტებში აქტიურად ჩართული მასწავლებლების მოსწავლეები, ასევე ადგილობრივი სკოლების დაინტერესებული მოზარდები. პროექტი ფულის გლობალური კვირეულის 2026 წლის საერთაშორისო კამპანიის ფარგლებში საქართველოს ეროვნული ბანკის ფინანსური განათლების პლატფორმა „ფინედუს" - www.finedu.gov.ge - ინიციატივით, კომპანია „თამაშობასთან" თანამშრომლობითა და ლიბერთი ბანკის, საქართველოს ბანკის, თიბისი ბანკისა და ბაზისბანკის მხარდაჭერით ხორციელდება. პროექტის ფარგლებში ეს უკვე მეცხრე წარმოდგენაა. გასულ წელს სპექტაკლი გაიმართა თბილისსა და შვიდ რეგიონში და მას ჯამში 1000-ზე მეტი მოსწავლე დაესწრო. „წინ და წინ - ფინანსობანას" მომდევნო წარმოდგენები გაიმართება 29 აპრილს ონში და 1 მაისს მესტიაში.

ავტორი: R (რეკლამა),

სოციალური ქსელები

თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა

იანვრიდან მოყოლებული, საქართველოში სოციალური დახმარების მიმღებთა რაოდენობა 140 000 ადამიანით შემცირდა

ავტომობილები, ნავთობპროდუქტები, ძვირფასი ლითონები - რას ყიდის საქართველო და საიდან ვყიდით ნავთობს