ოკუპირებულ აფხაზეთში ძალადობის შედეგად გარდაცვლილი 4 წლის ბავშვის საქმეს იძიებენ. ცოტა ხნის წინ ოკუპირებული აფხაზეთის ე.წ. გენერალურმა პროკურატურამ საქმეზე ბავშვის დეიდა დააკავა. 

გამოძიების ვერსიით, ალკოჰოლური და ნარკოტიკული თრობის ქვეშ მყოფმა დეიდამ მცირეწლოვანს განზრახ მიაყენა მძიმე დაზიანებები. ამასთან აცხადებენ, რომ დანაშაული ჩადენილია განსაკუთრებული სისასტიკითა და ძალადობით უმწეო მდგომარეობაში მყოფის მიმართ.

დაკავებულ დეიდას თავისუფლების აღკვეთა 8-დან 12 წლამდე ვადით ემუქრება.

სისხლის სამართლის საქმე ამოღებულია გულრიფშის რაიონის ე.წ. პროკურატურის წარმოებიდან და გადაცემულია ოკუპირებული აფხაზეთის ე.წ. გენერალური პროკურატურის საგამოძიებო სამმართველოში.

სოციალურ ქსელებში ვრცელდება ინფორმაცია, რომ ბავშვი საავადმყოფოში სწორედ დეიდამ მიიყვანა. მას და მის ქმარს თავიანთი ოთხი შვილი ჰყავთ.

ბავშვის სიკვდილს ოკუპირებულ აფხაზეთში შეშფოთება მოჰყვა. მომხდარის შემდეგ მოსახლეობამ ოჯახში ძალადობის შესახებ კანონის მიღება მოითხოვა. 

ადგილობრივი მედია წერდა, რომ ბავშვი 7 აპრილს საავადმყოფოში მრავლობითი დაზიანებებით მიიყვანეს, ის რამდენიმე საათში გარდაიცვალა.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას