ჯგუფური ძალადობის ბრალდებით 2025 წლის აგვისტოში დაკავებული აქტივისტები თორნიკე თოშხუა და მინდია შერვაშიძე მოსამართლემ დამნაშავედ ცნო და ორივე მათგანს მიუსაჯა თავისუფლების აღკვეთა ერთი წლის ვადით.

გადაწყვეტილება მოსამართლე ელენე გოგუაძემ დღეს 1 აპრილს გამოაცხადა. სასჯელის მოხდის ვადა აითვლება დაკავების დღიდან.

მოსამართლის თქმით “ვერ და არ გაიზიარებს დაცვის პოზიციას აუცილებელი მოგერიების შესახებ, ბრალდებამ დაადასტურა ბრალეულობა”.

მისივე განმარტებით, “მართალია ბრალდებულები არ არიან ნასამართლევები სხვა საქმეში, ითვალისწინებს ერთ-ერთი ბრალდებულის ადმინისტრაციულ სამართალდარღვევას, ბრალდებულის პოზიციებს… ვიდეოებში, რომელიც შევისწავლეთ, საზოგადოებამ დაინახა ის, რამაც სასამართლო დარბაზში მოგვიყვანა”, - თქვა განაჩენის გამოცხადებამდე ელენე გოგუაძემ.

მანვე განმარტა, თუ რატომ შეუფარდა აქტივისტებს ერთწლიანი პატიმრობა.

"როცა დაზარალებული დავკითხეთ, მისი პოზიცია იყო ლოიალური, მან მოინანია, რომ თქვენს მიმართ რადიკალურად იყო განწყობილი, თუმცა ხშირ შემთხვევაში დაზარალებულს პოზიცია ვერ განსაზღვრავს იმას, რომ ლოიალური იყო, მე გავითვალისწინე დაზარალებულის პოზიცია, სასჯელის ნაწილში”, - თქვა მოსამართლემ გადაწყვეტილების დასაბუთებისას.

რუსთაველზე მიმდინარე პროევროპული დემონსტრაციების მონაწილეებს პროკურატურა ყოფილ ფეხბურთელსა და "ქართული ოცნების" მხარდამჭერზე ბექა გოცირიძეზე ჯგუფურ ძალადობას ედავებოდა.

37 წლის თორნიკე თოშხუა და 33 წლის მინდია შერვაშიძე, რუსთაველის გამზირზე 2025 წლის 1 აგვისტოს მომხდარ ინციდენტთან დაკავშირებით 16 აგვისტოს დააკავეს. მათ ბრალი წარუდგინეს ძალადობაში, რომელმაც ადამიანს ფიზიკური ან/და ფსიქიკური ტანჯვა მიაყენა, მაგრამ ჯანმრთელობის დაზიანება არ მოჰყოლია.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას