ქართული ოცნების პარლამენტის თავმჯდომარე შალვა პაპუაშვილი საქართველოს კათოლიკოს-პატრიარქის ილია მეორის გარდაცვალების თემასაც ამერიკელ და ევროპელ პარტნიორებზე თავდასხმისთვის იყენებს.

ამ კონტექსტში ის ახსენებს აშშ-ის ჰელსინკის კომისიას, მის წევრებს და ჯო უილსონს, ასევე ევროპელ ლიდერებს.

"ჰელსინკის კომისიის სხდომა იყო იმ დღეებში, როცა საქართველო გლოვობდა. ადაიანებს, რომლებსაც რომ ჰკითხო, ქარველი ერის გულშემატკივრები არიან, მათგან ერთი სიტყვაც ვერ მოვისმინეთ, ბატონი უილსონისა და კომისიის სხვა წევრებისგან. ეს ყველაფერი არის ფარსი. ნაყიდი ლობიზმია. ვერც კი გაიგეს, ალბათ, რა მოხდა ან ვერ გაიაზრეს. ვიხილეთ ანგარიშები, სადაც ისევ ესხმიან თავს ქართველ ხალხს ამ მწუხარების ჟამს. ეს არის ცივილიზაციის უფრსკრული, საითაც მიაქანებენ ევროპულ ცივილიზაციას, როცა პოლიტიკური დღის წესრიგი უფრო მაღლა დგას, ვიდრე ადამიანური დღის წესრიგი.

მადლობა ელჩებს, ვინც სამების ტაძარში იმყოფებოდა, მწუხარება გამოხატა. ვერ ვნახეთ ვერც ერთი ის ევროპელი ლიდერი, რომლებიც პირველები გამოვარდებიან, რაც არ უნდა ხდებოდეს საქართველოში. დრო და სიტყვები, ემოცია ვერ მოძებნეს. მათ ჩვენი ემოცია არ ესმით, ემოცია, რომელიც გვაქვს ეკლესიის, პატრიარქის, ნამდვილი ღირებულებების მიმართ. დიდი გაკვეთილი იყო ქართველი ხალხისთვის.

ჯგუფი, რომელიც პროტესტშია, მათ სახეც ვნახეთ ამ დღეებში - არ შეეწყვიტეს ეკლესიის ლანძღვა, პატრიარქის დაკნინება, არ შეწყვიტეს ნამდვილი ღირებულებების წინააღმეგ წასვლა. ჩვენ ვნახეთ სულიერად ამაღლებული ქართველი ერი და ვნახეთ სულიერად დაცემული პროტესტში მყოფი ჯგუფი", - ამბობს შალვა პაპუაშვილი.

სრულიად საქართველოს კათოლიკოს-პატრიარქის, ილია II-ის გარდაცვალების (2026 წლის 17 მარტი) გამო ევროპული ქვეყნების ლიდერებმა და დიპლომატიურმა მისიებმა ღრმა მწუხარება გამოთქვეს და ხაზი გაუსვეს მის როლს ქვეყნის ერთიანობასა და სულიერებაში.

ევროპული ქვეყნებისა და ინსტიტუტების ძირითადი სამძიმარი:

• ევროკავშირი (EU): საქართველოში ევროკავშირის წარმომადგენლობამ პატრიარქს "საქართველოს სულიერი მამა" უწოდა და აღნიშნა მისი განსაკუთრებული როლი ეროვნული იდენტობისა და სარწმუნოების შენარჩუნებაში.
• ევროპის საბჭო: პატივისცემისა და სოლიდარობის ნიშნად, სტრასბურგში, ევროპის სასახლის წინ ევროკავშირის დროშა დაუშვეს.
• გაერთიანებული სამეფო: მეფე ჩარლზ III-მ სამძიმრის წერილში პატრიარქს უწოდა ადამიანი, რომელმაც სიცოცხლე ეკლესიასა და ხალხს მიუძღვნა, და გაიხსენა მისი შეხვედრა დედოფალ ელისაბედ II-სთან 2011 წელს.
• საფრანგეთი: საფრანგეთის საელჩომ ილია II-ს უწოდა "გამაერთიანებელი ფიგურა", რომელმაც ქვეყანა უმძიმეს პერიოდებში გამოიყვანა და შეინარჩუნა კულტურული იდენტობა.
• გერმანია: გერმანიის ელჩმა პეტერ ფიშერმა აღნიშნა, რომ პატრიარქი ერს როგორც სიხარულში, ისე მწუხარებაში წინამძღოლობდა. გერმანიის პრეზიდენტის სახელით ჩანაწერი გაკეთდა სამძიმრის წიგნში.
• ნიდერლანდები: საგარეო საქმეთა მინისტრმა ხაზი გაუსვა, რომ ილია II თითქმის ხუთი ათწლეულის განმავლობაში რწმენისა და ერთიანობის დედაბოძი იყო.
• პოლონეთი: პოლონეთის საელჩომ პატრიარქს "განსაცდელის დროს გადარჩენის სიმბოლო" უწოდა.
• იტალია: იტალიის საელჩომ გულწრფელი თანაგრძნობა გამოუცხადა ქართველ ხალხს ქვეყნის სულიერი მამის გარდაცვალების გამო.
• შვედეთი: საელჩოს განცხადებით, პატრიარქის მემკვიდრეობა რწმენის, სიყვარულისა და მშვიდობის მაგალითად დარჩება.

ავტორი: ექსპრესნიუსი,

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე