ივანიშვილის პრეზიდენტმა, მიხეილ ყაველაშვილმა ფიგურული ციგურაობის ფედერაციისა და ნაკრების წევრები ღირსების ორდენებით დააჯილდოვა.

"მთელი მსოფლიო თვალს ადევნებდა, ძალიან ბევრი ქვეყნის წარმომადგენელი ესწრებოდა და სიამაყით ვიყავით განმსჭვალული თითოეული ჩვენგანი, იმიტომ, რომ იმ დიდ და გიგანტ ქვეყნებს შორის წარმოდგენილი იყო ჩვენი პატარა, მაგრამ ღირსეული და ნიჭიერი ქვეყანა. ვამაყობდით, რომ ასეთ დიდ წარმატებას მიაღწია ჩვენმა გუნდმა, არ დასჯერდა ათეულის ადგილს, გავედით ხუთეულში. სულ ცოტა დაგვაკლდა, რომ ბრინჯაოს მედლები აგვეღო, მაგრამ ისტორიული შედეგი დაფიქსირდა - მეოთხე ადგილი. სასწაული მაინც მოხდა, ჩვენმა ლუკამ და ანასტასიამ, პირველად ქართული [ზამთრის] სპორტის ისტორიაში, შეძლეს ოლიმპიური მედლის მოპოვება და გაახარეს მთლიანად ჩვენი ქვეყანა. ეს მართლაც დიდი წარმატებაა ჩვენი სპორტისთვის და მინდა ჩვენმა საზოგადოებამ იცოდეს, რომ ამიტომაც არის გამოკვეთილი ჩვენთვის სპორტის როლი ქვეყანაში. [...]

მინდა აღვნიშნო, რომ მიუხედავად ამ ჯანსაღი პროცესისა, ჩვენდა სამწუხაროდ, იყვნენ ძალები, რომლებიც ცდილობდნენ, რომ ზიანი მიეყენებინათ ამ ჯანსაღი პროცესისთვის, დაეზიანებინათ სპორტსმენები, ეს ჯანსაღი პროცესი, შუღლი შემოეტანათ, დაპირისპირება, მაგრამ ეს მათ ვერ შეძლეს, ყველამ ერთად, საზოგადოებამ, სპორტსმენებმა, ხელისუფლებამ, სახელმწიფომ, ყველაფერი გავაკეთეთ, გავუმკლავდით ამ გამოწვევას და გავიმარჯვეთ. სწორედ ასეთი გამარჯვების დღეს აღვნიშნავთ დღეს პრეზიდენტის სასახლეში. მადლობა მინდა გადავუხადო პრემიერ-მინისტრსს, პარლამენტის თავმჯდომარეს, ჩვენს გუნდს. მათი წარდგენით მე დღეს მაქვს პატივი ჩვენი გამორჩეული სპორტსმენები და მათი წარმომადგენლები ღირსებით ორდენით დავაჯილდოო. კიდევ ერთხელ გილოცავთ ამ დიდ წარმატებას, ვულოცავ სრულიად საქართველოს.“ - განაცხადა ყაველაშვილმა.

გარდა ღირსების ორდენისა, ოლიმპირ თამაშებზე მონაწილეობისთვის სპორტსმენებს გადეცათ 50 000 - 50 000 ლარი, ხოლო ვერცხლის მედლის მოპოვებისთვის ანასტასია მეტელკინას და ლუკა ბერულავას 500 000 - 500 000 ლარი.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს