პროექტი Intelligence Online წერს, რომ უკრაინის F-16-ების ახალშექმნილი ესკადრილია არამხოლოდ უკრაინელი, არამედ ამერიკელი და ჰოლანდიელი პილოტებისგანაა დაკომპლექტებული. ინფორმაციის მიხედვით, მათ დროებითი კონტრაქტები აქვთ გაფორმებული და უკრაინელებს F-16-ების ტექნიკური უპირატესობების ათვისებაში ეხმარებიან.

როგორც მედიაპროექტი წერს, ახალი ესკადრილია რამდენიმე კვირის წინ შეიქმნა. მასში შედიან ამერიკელი ვეტერანები, რომლებიც საბრძოლო დავალებებს ავღანეთში ასრულებდნენ. ამავე ცნობით, ერთ-ერთი მფრინავი ახლო აღმოსავლეთშიც მსახურობდა. რაც შეეხება ჰოლანდიელ პილოტებს, ისინი არიან "მოწინავე ევროპული საბრძოლო სკოლებიდან, ცნობილი არიან მაღალი დონის მომზადებით გადატაცებასა და თანამედროვე საჰაერო ბრძოლაში".

როგორც მედია წერს, უცხოელ პილოტებს 6-თვიანი კონტრაქტები აქვთ გაფორმებული და სურვილის შემთხვევაში მათი გახანგრძლივება შეეძლებათ.

F-16-ების უცხოელი პილოტები, ცნობის მიხედვით, პატრულირებენ რუსეთის საჰაერო დარტყმების დროს, რათა უფრო ჩქარი რეაგირება ჰქონდეთ მომავალ საფრთხეზე. Intelligence Online წერს, რომ ვეტერანების ყველაზე მნიშვნელოვანი წვლილი არის მაღალი სიზუსტის საბრძოლო სენსორების, კერძოდ, Lockheed Martin Sniper-ის დასამიზნებელი მოდულის ეფექტური გამოყენების ცოდნა. ეს სისტემა გამოიყენება შორ მანძილზე იდენტიფიცირებისთვის, მაღალი სიჩქარით მოძრავი სამიზნეების კონტროლისთვისა და ცუდ ამინდში მუშაობისთვის. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია