უკრაინა საკუთარ „დრონების საწინააღმდეგო გუმბათს“ ქმნის, რისთვისაც მათ უკვე შეიმუშავეს ლაზერული საჰაერო თავდაცვის სისტემა და დაბალფასიანი დრონები, იუწყება The Atlantic. კერძოდ, ინჟინრებმა წარმოადგინეს Sunray ლაზერული სისტემა, რომელსაც შეუძლია დრონების სხივით ჩამოგდება.

ტესტირებისთვის, უკრაინელმა სამხედროებმა პატარა დრონი გაუშვეს, შემდეგ კი ლაზერი მისკენ მიმართეს, სანამ კამერები სამიზნეს აკონტროლებდნენ. რამდენიმე წამის შემდეგ დრონი აალდა. აღნიშნულია, რომ იარაღის შემუშავებას ორი წელი დასჭირდა და რამდენიმე მილიონი დოლარი დაჯდა. შემქმნელი გეგმავს მის რამდენიმე ასეულ ათას დოლარად გაყიდვას. გამოცემამ ის შეადარა Lockheed Martin-ის მიერ წარმოებულ ამერიკულ HELIOS სისტემას. მისი შემუშავების კონტრაქტი 150 მილიონი დოლარი ღირდა.

გარდა ამისა, უკრაინელმა მწარმოებლებმა შექმნეს 3D პრინტერით დაბეჭდილი P1-Sun დრონი, რომელიც უკვე სერიულ წარმოებაშია. აღნიშნულია, რომ ეს დრონები უკვე გამოყენებულია 1000-ზე მეტი სამიზნის, მათ შორის 700-ზე მეტი „შაჰიდის“ გასანადგურებლად. 2026 წლის ბოლოსთვის უკრაინის შეიარაღებული ძალები შეძლებენ მათი მთელი ქვეყნის მასშტაბით განლაგებას მყისიერი გაშვებისთვის, როგორც კი რადარი მტრის დრონებს აღმოაჩენს. ლაზერული საჰაერო თავდაცვისა და ჩამჭრელი დრონების გარდა, უკრაინის „დრონების საწინააღმდეგო გუმბათი“ შეიძლება მოიცავდეს რუსული რაკეტის ნახშირბადის ბოჭკოვან კლონებს და ტყვიამფრქვევის კოშკურებით აღჭურვილ ბორბლიან რობოტებს.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა