შინაგან საქმეთა სამინისტროს მიგრაციის დეპარტამენტის და სასაზღვრო პოლიციის თანამშრომლებმა, ერთობლივად ჩატარებული კომპლექსური ღონისძიებების შედეგად, ბანგლადეშის, თურქეთის, უზბეკეთის, აზერბაიჯანის და მაროკოს – ჯამში 14 მოქალაქე დააკავეს. ინფორმაციას შსს ავრცელებს.

„დადგინდა, რომ დაკავებული პირები „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის გათვალისწინებით, ქვეყანაში იმყოფებოდნენ სამართლებრივი საფუძვლის გარეშე. ისინი ბოროტად სარგებლობდნენ თავშესაფრის პროცედურით გათვალისწინებული ვადებით და ქვეყანაში წლების მანძილზე იმყოფებოდნენ სამართლებრივი საფუძვლის გარეშე.

დაკავებულებმა არ ისარგებლეს გაძევების გადაწყვეტილებით განსაზღვრული ვადებით, რაც ქვეყნის ნებაყოფლობით დატოვებას გულისხმობს, რის შედეგადაც შინაგან საქმეთა სამინისტროს მიგრაციის დეპარტამენტის მიერ მიღებული იქნა გადაწყვეტილება აღნიშნული პირების დაკავების თაობაზე.

გადაწყვეტილების აღსრულების მიზნით, ამ დროისთვის დაკავებული პირები მოთავსებული არიან მიგრაციის დეპარტამენტის დროებითი განთავსების ცენტრში შემდგომში მათი წარმოშობის ქვეყანაში დაბრუნების მიზნით“,- აღნიშნულია შსს-ს ინფორმაციაში.

ავტორი: ექსპრესნიუსი,

სოციალური ქსელები

მოკლული აიათოლას ვაჟი მოჯტაბა ხამენეი, ქვეყნის შემდეგ უზენაეს ლიდერად აირჩიეს

დონალდ ტრამპმა გააკრიტიკა სატარმერი ინდოეთის კუნძულზე ბაზის არ დათმობის გამო

თბილისში ეკონომიკური თანამშრომლობის საკითხებში საქართველო-სომხეთის კომისიის მე-15 სხდომა გაიმართა

„ოცნების“ პარლამენტის წევრს აშშ-ის სახელმწიფო დეპარტამენტის წარმომადგენელთან „შესანიშნავი აზრთა გაცვლა“ ჰქონდა.