მეტროსადგურ ვარკეთილის რეაბილიტაციის დასრულების ვადა კიდევ 3 თვით, 31 მარტამე გადაიდო.

ინფორმაცია და თბილისის მერიის სატრანსპორტო კომპანიასა და კონტრაქტორ ბადა ქონსტრაქშენს შორის გაფორმებული შეთანხმება შესყიდვების სააგენტოს ვებ-გვერდზე 2025 წლის 30 დეკემბერს აიტვირთა.

დოკუმენტიდან ირკვევა, რომ ჯერ კიდევ არ დასრულებულა 2025 წლის 5 სექტემბერს დაწყებული ზედა ვესტიბიულის კვლევა-პროექტირების სამუშაოები, რაც აჭიანურებს რეაბილიტაციის დასრულების პროცესს.

მეტროსადგურ ვარკეთილის რეაბილიტაცია 2022 წლის 21 დეკემბერს დაიწყო. მისი სრული რეაბილიტაცია 15 მილიონ ლარზე მეტი ჯდება.

თავდაპირველად, კომპანიას, რომელიც სამუშაოებს ატარებს, რეაბილიტაციის დასასრულებლად 18-თვიანი ვადა ჰქონდა, თუმცა ვადის ამოწურვის შემდეგ, ის კვლავ 18 თვით გაახანგრძლივეს. ამჟამად, მეტროსადგურის რეაბილიტაციის დასრულება კვლავ გახანგრძლივდა. 

მეტროსადგურში ჩასატარებელი სამუშაოები სამუშაოები ითვალისწინებს ბაქნის და ესკალატორების გვირაბის, აზბესტის ჭერის დემონტაჟს, ჭერის, ე.წ. დამცავი ქოლგის მოწყობას, ინტერიერის სრულ განახლებას, ესკალატორების ბალუსტრადების განახლებას, განათებისა და შიდა სავენტილაციო სისტემის განახლებას, ბაქნის იატაკის შეცვლასა და სადგურის სამეურნეო ოთახების კეთილმოწყობას. 

2025 წლის ივნისში მეტროსადგური 45 დღის განმავლობაში დაკეტილიც იყო. გახსნამდე რამდენიმე დღით ადრე კახა კალაძემ თქვა, რომ მეტროსადგურში სამუშაოები 2025 წლის ბოლომდე დასრულდებოდა. 

ავტორი: ექსპრესნიუსი,

სოციალური ქსელები

ლევან დავითაშვილი- ჩვეულებრივ მიწევს ხოლმე საქმის გამო ვიზიტები, თითქმის ყოველ კვირას

ზალუჟნიმ პირველად ისაუბრა ზელენსკისთან კონფლიქტზე

უნგრეთი და სლოვაკეთი უკრაინისთვის ელექტროენერგიისა და დიზელის მიწოდების შეწყვეტით იმუქრებიან

ბრალდებული კაკულია - კატეგორიულად არ ვეთანხმებით ბრალს, ეს არის მედიის მოგონილი ვერსია, ჩვენ არავისთვის დაგვივალებია ნიკა კვარაცხელიას მკვლელობა