უკრაინის ეროვნული უსაფრთხოებისა და თავდაცვის საბჭოს მდივანმა, რუსტემ უმეროვმა, განაცხადა, რომ ფლორიდაში უკრაინულ და ამერიკულ დელეგაციებს შორის მოლაპარაკებები დაიწყო.

ისინი განიხილავენ სამშვიდობო გეგმას, რომელიც დონალდ ტრამპის ადმინისტრაციამ რუსულ მხარესთან ერთად შეიმუშავა და ჟენევაში უკრაინასთან და ევროპის ქვეყნებთან ბოლო მოლაპარაკებების შემდეგ მოდიფიცირებულია.

კონსულტაციები მაიამის მახლობლად, კერძო Shell Bay გოლფის კლუბში მიმდინარეობს, რომელიც დონალდ ტრამპის სპეციალური წარმომადგენლის, სტივ ვიტკოფის კომპანიამ ააშენა.

შეხვედრის დასაწყისში აშშ-ის სახელმწიფო მდივანმა, მარკო რუბიომ, განაცხადა, რომ მოლაპარაკებები „მხოლოდ სამშვიდობო შეთანხმებებს არ ეხება“.

„საქმე ეხება ისეთი პროცესის შექმნას, რომელიც უკრაინას სუვერენულ, დამოუკიდებელ და აყვავებულს გახდის“, - თქვა რუბიომ.

„ჩვენ ვსაუბრობთ უკრაინის მომავალზე, უკრაინის უსაფრთხოებაზე, უკრაინაში აგრესიის განმეორების თავიდან აცილებაზე, უკრაინის კეთილდღეობასა და უკრაინის აღდგენის გზებზე“, - განაცხადა უკრაინის დელეგაციის ხელმძღვანელმა და უკრაინის ეროვნული უსაფრთხოებისა და თავდაცვის საბჭოს მდივანმა, რუსტემ უმეროვმა.

ამერიკული მხარის მიერ შემოთავაზებული და რუსეთთან ერთად შემუშავებული საწყისი სამშვიდობო გეგმა 28 პუნქტს შეიცავდა. როგორც მრავალი დასავლური მედიასაშუალება იუწყებოდა, ის დიდწილად ასახავდა რუსეთის პოზიციას და, სხვა საკითხებთან ერთად, შეიცავდა კიევისთვის მიუღებელ დებულებებს, როგორიცაა უკრაინის ტერიტორიების რუსეთის მიერ ანექსიის აღიარება, უკრაინის შეიარაღებული ძალების რაოდენობის შეზღუდვა და უკრაინის ნატოში გაწევრიანებაზე უარის თქმა.

თუმცა, ჟენევაში უკრაინასთან და ევროპელ პარტნიორებთან კონსულტაციების შემდეგ, გეგმა შეიცვალა.

დასავლური მედია იუწყებოდა, რომ ყველაზე რთული საკითხები - ტერიტორიები და შეერთებული შტატების მხრიდან უსაფრთხოების გარანტიები - შეიძლებოდა „გვერდზე გადადებულიყო“ და პრეზიდენტ დონალდ ტრამპისა და ვოლოდიმირ ზელენსკის განსახილველად დარჩენილიყო.

ფლორიდაში მიმდინარე მოლაპარაკებებზე განიხილება უკრაინაში არჩევნების ჩატარების ვადები, ტერიტორიების გაცვლის შესაძლებლობა რუსეთთან და სხვა საკითხები, რომლებიც კვლავ გადაუწყვეტელია ვაშინგტონის მიერ შემოთავაზებული მშვიდობის გეგმის ფარგლებში, — წერს WSJ,  ამერიკის ადმინისტრაციის მაღალჩინოსანზე დაყრდნობით.

უიკტოფმა უკრაინის დელეგაციასთან შეხვედრის შესვენების დროს განაცხადა, რომ უკრაინის წარმომადგენლებთან მოლაპარაკებებს „პოზიტიურად“ აფასებს, 

ასევე მან დაადასტურა, რომ ხვალ მოსკოვში გაფრინდება, რათა სამშაბათს, 2 დეკემბერს, შეხვდეს პუტინს.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!