02:07 - 08 Dec, 2025
ჩვენ შესახებ რეკლამა/ხელმოწერა
2025-11-08 12:24:59, 619 ნახვა

სამართალი
იურისტების ჯგუფი პროკურატურას მიმართავს მოსამართლე ბესარიონ ალავიძის ინტერვიუსთან დაკავშირებით გამოძიება დაიწყოს

იურისტების ჯგუფი პროკურატურას მიმართავს მოსამართლე ბესარიონ ალავიძის ინტერვიუსთან დაკავშირებით გამოძიება დაიწყოს. იურისტების თქმით, მოსამართლე დეტალურად საუბრობს წლების განმავლობაში სასამართლო სისტემაში არსებულ კორუფციასა და მართლმსაჯულებაში ჩარევის ფაქტებზე. 

როგორც საზოგადოებისთვის ცნობილია, 2025 წლის 2 ოქტომბერს გამოქვეყნდა უზენაესი სასამართლოს მოსამართლე ბესარიონ ალავიძესთან ინტერვიუ, სადაც მოსამართლე დეტალურად საუბრობს წლების განმავლობაში სასამართლო სისტემაში არსებულ კორუფციასა და მართლმსაჯულებაში ჩარევის ფაქტებზე.  მის მიერ აღწერილი ფაქტები ეხება არა მხოლოდ ქართული ოცნების არამედ ნაციონალური მოძრაობის მმართველობის პერიოდს.  ვიდეო ჩანაწერში, რომელიც ორსაათნახევარი გრძელდება მოსამართლე ასახელებს კონკრეტულ საქმეებს, დოკუმენტებს, შეხვედრებს, მოწმეებს, სატელეფონო ზარებს. გავრცელებული ჩანაწერი შეიცავს სხვადასხვა დანაშაულთა ნიშნებს, მათ შორის. 

ქრთამის შეთავაზება (სსკ. 339-ე მუხლი)

უფლებამოსილების ბოროტად გამოყენება (სსკ. 332-ე მუხლი) 

თავისუფლების უკანონო აღკვეთა (სსკ. 143-ე მუხლი) 

მოსამართლის საქმიანობაში ჩარევა (სსკ. 364-ე მუხლი) 

მოსამართლის მიმართ სიცოცხლის მოსპობის მუქარა (სსკ. 365-ე მუხლი) - წერია განცხადებაში.

განცხადებაში აღნიშნულია, რომ სისხლის სამართლის საპროცესო კოდექსის მე-100 მუხლით დანაშაულის შესახებ ინფორმაციის მიღების შემთხვევაში გამომძიებელი, პროკურორი ვალდებული არიან დაიწყონ გამოძიება. ხოლო ამავე კოდექსის 101-ე მუხლით გამოძიების დაწყების საფუძველია დანაშაულის შესახებ ინფორმაცია, რომელიც გამომძიებელს ან პროკურორს მიაწოდეს, გამოვლინდა სისხლის სამართლის პროცესის დროს ან გამოქვეყნდა მასმედიაში.

"აღსანიშნავია რომ 2025 წლის 28 ოქტომბერს შეტანილი იქნა განცხადება  გენერალურ პროკურატურაში აღნიშნულ ვიდეო ინტერვიუზე გამოძიების დაწყების მოთხოვნით.  

აღნიშნულიდან გამომდინარე, იურისტების ჯგუფი მოუწოდებს პროკურატურას რომ შეასრულოს კანონით დაკისრებული ვალდებულება, დაიწყოს და ჯეროვნად წარმართოს გამოძიება სასამართლო სისტემაში არსებული კორუფციის ფაქტებზე. " - ხაზგასმულია იურისტების განცხადებაში.

საჩივარს ხელს აწერენ იურისტები: კახა წიქარიშვილი, მაია ბაქრაძე, თამარ ლალიაშვილი, ირაკლი კორძახია, უჩა ნანუაშვილი, ირმა კაკიაშვილი , ლია მუხაშავრია, ირაკლი გაბრიჩიძე, თამარ გეგელია, ლევან თოთლაძე, ბესიკ ლოლაძე , მარი ჯაფარიძე და მარიამ ჩხეიძე.




ავტორი: ექსპრესნიუსი,


სოციალური ქსელები
კალაძე: ჩატარებული გამოძიებით უტყუარად დადასტურდა, რომ „კამიტეს“ გამოყენებას ფიზიკურად ვერ ექნებოდა ადგილი
კახა კალაძე BBC-ის რესპოდენტებზე : ყველა კანონის მთელი სიმკაცრით დაისჯება
რუსეთის ჯარებმა ხარკოვის ოლქში პეჩენეჟსკოეს წყალსაცავის დამბა დააზიანეს
შეერთებულმა შტატებმა გადაწყვიტა თავისი ბირთვული ტრიადის მოდერნიზაცია
რედაქტორის რჩევით

ომი უკრაინაში

ვიდეო/LIVE

საქართველოს დამოუკიდებლობის დღე












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics

X
GE25BG0000000606108352 საქართველოს ბანკი
GE41TB7089836080100007 TBC ბანკი