25 მარტს, 20:00 საათზე, მიხეილ თუმანიშვილის სახელობის ხელოვნების საერთაშორისო ფესტივალი „საჩუქარი“ , მიხეილ თუმანიშვლის სახელობის  კინომსახიობთა თეატრი და თბილისის  მერიის კულტურული ღონისძიებების ცენტრი წარმოგიდგენთ  თანამედროვეობის უდიდესი ხელოვანის, ევროპის საუკეთესო მსახიობის პრემიისა და 50-ზე მეტი ჯილდოს მფლობელის,  სერგეი მაკოვეცკის შემოქმედებით საღამოს  „შემთხვევით არ მოვსულვარ თქვენთან... სათქმელი რამ მაქვს...“(მონო სპექტაკლი).

როგორც „ექსპრესნიუსს“ თბილისის მერიიდან აცნობეს, სპექტაკლის პროდიუსერი ლეონიდ რობერმანია,  სპექტაკლი  კოტე მარჯანიშვილის სახელობის სახელმწიფო დრამატული თეატრის დიდ სცენაზე გაიმართება.

ცნობისთვის, სერგეი მაკოვეცკი მსახიობი რომელსაც ყველა იცნობს, არა მარტო რუსეთში, არამედ მის ფარგლებს გარეთ. იგი გახლავთ ლაურიატი პრემიებისა: „Ника”, «Золотой орел», «Чайка», «Хрустальная Турандот», მსახიობი რომლის სახელის გაგონებაც ავსებს თეატრალურ დარბაზებს, ხოლო ფილმები მისი მონაწილეობით მაღალრეიტინგულს ხდის სამაუწყებლო სატელევიზიო არხებს.  სპექტაკლზე დამსწრე მაყურებელი მსახიობისგან მოისმენს სერგეი მაკოვეცკის შემოქმედების შესახებ თეატრსა და კინოში, იგი გაიხსენებს რეჟისორებს, მსახიობებს და უბრალოდ იმ ადამიანებს ვინც დიდი კვალი დატოვა მის  ცხოვრებაში. ასევე წაიკითხავს მონოლოგებს  სპექტაკლებიდან. საღამოს მსვლელობის დროს, ეკრანზე გავა  უნიკალური ვიდეოკადრები მოკლემეტრაჟიანი ფილმებიდან სადაც სერგეი მაკოვეცკი თამაშობს. დღეს–დღეობით სერგეი მაკოვეცკი ითვლება ერთ–ერთ უძლიერეს რუს მსახიობად, რომელსაც შეუძლია მოერგოს ნებისმიერ ჟანრს. გარდა უმაღლესი შესრულებისა, მას აქვს უნარი საოცარი გარდასახვისა და მისი ნათამაშევი არცერთი როლი ერთმანეთს არ გავს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა