საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი გოგირდის აბანოების ხელმძღვანელების პროტესტს გამოეხმაურა.

6 აბანოს ხელმძღვანელი მუშაობას აჩერებს და მთავრობისგან GWP-სთან შუამდგომლობას და  წყლის საფასურის  შემცირებას მოითხოვს.

ქუმსიშვილის განცხადებით, ორივე კერძო ბიზნესია და შესაბამისად, სამართლიან ქვეყანაში კერძო ბიზნესის ნაწილში გადაწყვეტილება სასამართლომ უნდა მიიღოს.

„კერძო ბიზნესის ნაწილში, სამართლიან ქვეყანაში გადაუწყვეტავ თემებზე გადაწყვეტილება სასამართლომ უნდა მიიღოს. თუმცა ჩვენ, როგორც მთავრობა, რა თქმა უნდა შევეცდებით მედიაციას იმისათვის, რომ კერძო ბიზნესი ყველანაირი დაბრკოლების გარეშე განვითარდეს“, - განაცხადა დიმიტრი ქუმსიშვილმა.

ცნობისთვის, თბილისის 6-მა აბანომ ფუნქციონირება ერთი დღით შეწყივტა. როგორც აბანოების თანამშრომლები აცხადებენ, აქცია გამაფრთხილებელია და ისინი წყლის საფასურის ზრდას აპროტესტებენ. აქციის მონაწილეები ასევე ითხოვენ, რომ ადგილზე მივიდეს დედაქალაქის მერი დავით ნარმანია, დაიწყოს მოლაპარაკებები. აქციის მონაწილების მოთხოვნაა, აბანოებს დაუწესონ შეღავათიანი გადასახადი და ერთი წლის განმავლობაში დაგროვილი დავალიანება ჩამოაჭრან.

აბანოების თანამშრომლებმა გზის სავალი ნაწილი გადაკეტეს, თუმცა ის პოლიციამ მალევე გაათავისუფლა.

აქციის პარალელურად ამ საკითხზე  შეხვედრა კომპანია Georgian Water and Power-შიც მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს