2015-02-18 10:44:56, 906 ნახვა
საზოგადოება
სასწრაფო სამედიცინო დახმარების სამსახურის ხელმძღვანელად თემურ ბარკალაია დაინიშნა
სასწრაფო სამედიცინო დახმარების სამსახურის ხელმძღვანელად თემურ ბარკალაია დაინიშნა.
ამის შესახებ თბილისის მერმა დავით ნარმანიამ ჟურნალისტებს დედაქალაქის მთავრობის სხდომის დაწყებამდე განუცხადა.
ნარმანიას თქმით, სასწრაფო სამედიცინო დახმარების სამსახურში ანაზღაურება გაიზარდა და ახალი ავტომანქანები დაემატა.
ამასთან, მერმა თემურ ბარკალაიას მეტი ოპერატიულობისკენ მოუწოდა.
„მნიშვნელოვანია ის, რომ სისტემის მთლიანი დეტალური შესწავლა მოვახდინოთ, სად არის ჩავარდნები, რაც სასწრაფო დახმარების მანქანების დაგვიანებას იწვევს. ეს აუცილებლად უნდა გამოსწორდეს. აქ ერთადერთი ობიექტური მიზეზი დღის საათებში საცობია“, – აღნიშნა ნარმანიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
