ფოთის საზღვაო ნავსადგურის მეორე ნავმისადგომზე, მალტის დროშის ქვეშ მცურავ გემზე, სარკინიგზო ვაგონ-ცისტერნიდან პიროლიზური ფისის გადატვირთვის პროცესში  პორტის ტერიტორიაზე ნივთიერების დაღვრა მოხდა. 

გარემოსა და ბუნებრივი რესურსების დაცვის  სამინისტროს ინფორმაციით, ადგილი, სადაც ნივთიერების დაღვრა მოხდა, დასახლებული პუნქტიდან მოშორებითაა. აქედან გამომდინარე ადგილობრივი მოსახლეობის ჯანმრთელობას საფრთხე არ ემუქრება.

პიროლიზებული ფისი აქროლად ნივთიერებებს შეიცავს, რამაც  ქალაქის ტერიტორიაზე სუნის გავრცელება გამოიწვია.

პიროლიზური ფისი  სპეციალურ სადრენაჟე ნაგებობაში ჩაიღვარა.

როგორც უწყებაში აცხადებენ,   ამ ეტაპზე ნავსადგურის ადმინისტრაციის მიერ, დაბინძურების ლოკალიზაციისა და ძირითადი სალიკვიდაციო სამუშაოები  დასრულებულია. არხებიდან ნივთიერების ჩატუმბვა  ვაგონ-ცისტერნებში უსაფრთხოების ნორმების დაცვით განხორციელდა.

ადგილზე  საგანგებო შტაბი მუშაობს. ასევე, იმყოფებიან გარემოსა და ბუნებრივი რესურსების დაცვის სამინისტროს გარემოსდაცვითი ზედამხდეველობის დეპარტამენტის, გარემოს ეროვნული სააგენტოს, ბუნებრივი და ანთროპოგენური საფრთხეების მართვის სამსახურის თანამშრომლები, ასევე სახელმწიფო უსაფრთხოებისა და კრიზისების მართვის საბჭოს წარმომადგენლები. განხორციელდა  სინჯების აღება და გატარდება შესაბამისი რეგირება. ამ ეტაპზე ინციდენტის გამომწვევი მიზეზების დადგენა მიმდინარეობს.
ფოთის საზღვაო ნავსადგურის ტერიტორია  კონტროლზეა აყვანილი, რაც გამორიცხავს ადამიანის ჯანმრთელობასა და გარემოზე მავნე ზემოქმედებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო

საქართველოს ბანკმა აზიის განვითარების ბანკისგან საერთაშორისო ჯილდო მოიპოვა

პროტესტის შემდეგ, ოცნებამ ჩასაბარებელი ყურძნის ფასი გააძვირა