30 აგვისტოს, ლვოვში მოკლეს მოქმედი პარლამენტის წევრი და ვერხოვნა რადას (მერვე მოწვევა 2016 წლიდან 2019 წლამდე) ყოფილი სპიკერი ანდრეი პარუბი.

უცნობმა მამაკაცმა პოლიტიკოსს სულ მცირე შვიდჯერ ესროლა და შემთხვევის ადგილიდან მიიმალა. პარუბი ექიმების მოსვლამდე მიყენებული ჭრილობებისგან გარდაიცვალა. ქალაქში ოპერაცია „სირენა“ გამოცხადდა. მიმდინარეობს გამოძიება.

უკრაინული მედიის ცნობით, თავდამსხმელი კურიერის ფორმაში იყო გამოწყობილი.

გენერალურმა პროკურატურამ მკვლელობის ადგილიდან ფოტო გამოაქვეყნა.

ანდრეი პარუბი 1971 წელს ლვოვის რეგიონში დაიბადა. განათლებით ისტორიკოსი, პარუბის ასევე აქვს პოლიტიკურ მეცნიერებათა და სოციოლოგიის ხარისხი.

1990 წელს ის ლვოვის რეგიონული საბჭოს დეპუტატი გახდა, ხოლო 1991 წელს, ოლეჰ ტიახნიბოკთან ერთად, უკრაინის სოციალისტური ნაციონალისტური პარტია დააარსა.

მან აქტიური მონაწილეობა მიიღო 2004 წლის ნარინჯისფერ რევოლუციაში და 2013–2014 წლებში იყო „მაიდანის თავდაცვის“ მეთაური. ​​2014 წელს დაინიშნა უკრაინის ეროვნული უშიშროებისა და თავდაცვის საბჭოს მდივნად.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!