აშშ-ის სახელმწიფო დეპარტამენტმა უკრაინისთვის MIM-104 Patriot-ის ტიპის  საჰაერო თავდაცვის სისტემის სათადარიგო ნაწილებისა და აღჭურვილობისთვის (სავარაუდოდ, ჰაერსაწინააღმდეგო რაკეტებიც შედის ამ გარიგებაში) დაახლოებით $179 მილიონი დოლარის ღირებულების კონტრაქტი დაამტკიცა.

ახდეპმა უკრაინისთვის ასევე დაამტკიცა დაახლოებით $150 მილიონი დოლარის ღირებულების "სტარლინკის“ სატელიტური ინტერნეტის მომსახურების გაყიდვაც.

აღნიშნულ თანხებს უკრაინის შეიარაღებული ძალების საჭიროებებისთვის ევროპული სახელმწიფოები გამოყოფენ…

ამ ფონზე კი აშშ-ის წარმომადგენელმა ნატოში, მეთიუ უიტაკერმა, განაცხადა, რომ უკრაინამ მიიღო იარაღი, რომელსაც შეუძლია მიზანში ამოიღოს ობიექტები რუსეთის ტერიტორიაზე. მისი თქმით, „მაღალია ალბათობა“, რომ უკრაინის შეიარაღებული ძალები ასეთ შესაძლებლობებს გამოიყენებენ.

უიტაკერის განმარტებით, ეს შესაძლებლობები დაეხმარება კიევს სამომავლო შეტევაში. მან ასევე გაიხსენა უკრაინის მიერ რუსეთის ნავთობგადამამუშავებელ ქარხნებზე განხორციელებული დარტყმები.

ამასთან, აშშ-ის სახელმწიფო დეპარტამენტმა დაამტკიცა 179 მილიონი დოლარის ოდენობის გარიგება Patriot-ის სარაკეტო სისტემების მომსახურებისთვის, რომელიც მოიცავს სათადარიგო ნაწილებს, მომზადებას და პროგრამულ უზრუნველყოფას. პროექტში, სავარაუდოდ, RTX და Lockheed Martin ჩაერთვებიან.

The New York Times-ის ინფორმაციით, უკრაინაში უკვე შევიდა ამერიკული ფრთოსანი რაკეტების პირველი პარტია, რომელიც პრეზიდენტ ტრამპის შეთანხმების შედეგად მიეწოდება პარტნიორი ქვეყნების მონაწილეობით.

დანია, ნიდერლანდები და ნორვეგია უკრაინისთვის უზრუნველყოფენ 3,500-ზე მეტ მაღალი სიზუსტის რაკეტას და ნავიგაციურ სისტემას, რომლის ღირებულება 825 მილიონ დოლარს აღწევს.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!