14 აგვისტოს დილით, უკრაინულმა დრონებმა ორი რუსული ქალაქის - დონის როსტოვისა და ბელგოროდის ცენტრები დაბომბეს. ოფიციალური მონაცემებით, თავდასხმების შედეგად სულ მცირე 16 ადამიანი დაშავდა, ხოლო საცხოვრებელი შენობები და ადმინისტრაციული შენობა დაზიანდა.

როსტოვის ოლქის მოვალეობის შემსრულებელმა გუბერნატორმა იური სლიუსარმა განაცხადა, რომ უპილოტო საფრენმა აპარატმა ქალაქის ცენტრში საცხოვრებელი კორპუსი დაარტყა. აფეთქების შედეგად ტელმანასა და ლერმონტოვსკაიას ქუჩებზე რამდენიმე საცხოვრებელი კორპუსი დაზიანდა. სლიუსარის თქმით, სულ მცირე 13 ადამიანი დაშავდა, რომელთაგან ორი მძიმე მდგომარეობაშია. ბაზა წერს, რომ შენობიდან, რომელიც პირდაპირ დაზიანდა, დაახლოებით 50 მცხოვრები ევაკუირებული იქნა.

ადგილობრივი მოსახლეობა აფეთქების მომენტს უკიდურესად ძლიერად აღწერს. „მაგიდები, კომპიუტერები, მინები და ტექნიკა ირყეოდა. ძალიან ხმამაღლა და საშიშად“, - განუცხადა როსტოვის მცხოვრებმა ნელიამ RBC-ს. კიდევ ერთმა თვითმხილველმა, ტატიანამ, ხმა „ქვემეხის აფეთქებას“ შეადარა და დაინახა „კვამლის უზარმაზარი სვეტი“, რომელმაც მალევე დაფარა ადგილი. თვითმხილველების თქმით, აფეთქება ადგილობრივი დროით 10:12 საათზე მოხდა.

იმავე დილით, დრონით თავდასხმა განხორციელდა ბელგოროდშიც — რეგიონული მთავრობის შენობა დაბომბეს. გუბერნატორმა ვიაჩესლავ გლადკოვმა განაცხადა, რომ სულ მცირე სამი ადამიანი დაშავდა: ერთი მამაკაცი მძიმე მდგომარეობაშია ნამსხვრევებით მიყენებული მრავლობითი ჭრილობებით, მისმა მეუღლემ დამწვრობა მიიღო, ხოლო კიდევ ერთი დაშავებული საავადმყოფოში გადაიყვანეს ფეხის ჭრილობითა და ბაროტრავმით.

თავდასხმასთან დაკავშირებით, ბელგოროდის ხელისუფლებამ 17 აგვისტომდე აკრძალა ყველა ღია ცის ქვეშ ღონისძიება, ხოლო დიდი სავაჭრო ცენტრები 16 აგვისტომდე დაიხურა. სამთავრობო უწყებები დისტანციურ მუშაობაზე გადავიდნენ. გლადკოვმა მოუწოდა მაცხოვრებლებს, „არ დარჩნენ გარეთ საჭიროზე მეტხანს“.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას