2025-07-25 00:55:45, 1400 ნახვა
თვალჭრელიძის ქუჩაზე ხმაური და დაპირისპირებაა - ვიდეო
თვალჭრელიძის ქუჩაზე ხმაური და დაპირისპირებაა. ხმაური მას შემდეგ დაიწყო, რაც სამართალდამცველებმა მოქალაქეებს ადგილის დატოვება მოსთხოვეს.
როგორც შეკრებილები ამბობენ, პოლიციელები მათ სიტყვიერ და ფიზიკურ შეურაცხყოფას აყენებენ და “ნახირად“ მოიხსენიებენ.
თვალჭრელიძის ქუჩაზე, სადაც მთელი დღის განმავლობაში საცხოვრებლიდან ადამიანების ძალადობრივად გამოსახლება ხდებოდა, შსს-მ ჯამში 17 ადამიანი დააკავა.
ინფორმაციას ამის შესახებ უწყებაში ადასტურებენ.
მათივე ცნობით, ისინი ადმინისტრაციული სამართალდარღვევათა კოდექსის 173-ე მუხლის საფუძველზე არიან დაკავებულები.
დაკავებულთა შორის არიან აღნიშნულ საცხოვრებელში მცხოვრები რამდენიმე ადამიანი, სტუდენტები და სამოქალაქო აქტივისტები.
ავტორი: ექსპრესნიუსი,
epn.ge (@expressnews.ge)
