2025-06-16 22:03:02, 6128 ნახვა
სპორტი
ტატო გრიგალაშვილმა მსოფლიოს ჩემპიონატზე ვერცხლის მედალი მოიპოვა
უნგრეთის დედაქალაქ ბუდაპეშტში მიმდინარე ძიუდოს მსოფლიო ჩემპიონატის ფინალში ტატო გრიგალაშვილი (81 კგ) ნეიტრალური დროშით მოასპარეზე ტიმურ არბუზოვთან დამარცხდა და ვერცხლის მედალი მოიპოვა.
შეგახსენებთ, რომ ძიუდოს მსოფლიო ჩემპიონატი 13 ივნისს დაიწყო. საქართველოს ნაკრების ანგარიშზე ორი მედალია – გრიგალაშვილამდე, 15 ივნისს, ეთერ ლიპარტელიანმა (57 კგ) ტურნირზე ჩატარებული ყველა ორთაბრძოლა იპონით მოიგო და მსოფლიო ჩემპიონობა დამსახურებულად მოიპოვა.
ავტორი: ექსპრესნიუსი,
epn.ge (@expressnews.ge)
