2025-05-25 15:04:08, 2304 ნახვა
ომი უკრაინაში
უკრაინამ გაანადგურა რუსული სამხედრო მატარებელი, რომელსაც ნავთობი გადაჰქონდა
უკრაინის დაზვერვის მთავარი სამმართველოს, უპილოტო საფრენი აპარატების ოპერატორებმა, ოკუპირებული ზაპოროჟიეს ტერიტორიაზე, იერიში მიიტანეს რუსულ სამხედრო მატარებელზე, რომელიც ნავთობით იყო დატვირთული.
სპეცოპერაციის შესახებ დეტალებს სადაზვერვო სამსახური ავრცელებს.
მოძრავ მატარებელზე დრონებით წარმატებული იერიში ტოხმაკ-ფედოროვკას სარკინიგზო მონაკვეთზე მოხდა.
დაზვერვის ინფორმაციით იერიშის შედეგად განადგურებულია მინიმუმ 3 ნავთობით დატვირთული ცისტერნა.
"საოკუპაციო ძალების სარკინიგზო მომარაგება ანექსირებული ყირიმისა და ზაპოროჟიეს ტერიტორიებზე დროებით შეჩერებულია". – წერია სადაზვერვო უწყების განცხადებაში.
ავტორი: ექსპრესნიუსი,
epn.ge (@expressnews.ge)
