აშშ-ის ყოფილ პრეზიდენტ ჯო ბაიდენს პროსტატის კიბო დაუდგინდა, - ამის შესახებ გამოცემა „ნიუ-იორკ თაიმსი“ თეთრი სახლის ყოფილ პრესმდივანზე დაყრდნობით იუწყება.
„მიუხედავად იმისა, რომ ეს დაავადების უფრო აგრესიულ ფორმას წარმოადგენს, კიბო, როგორც ჩანს, ჰორმონალურად მგრძნობიარეა, რაც მისი ეფექტური მკურნალობის საშუალებას იძლევა <...> პრეზიდენტი და მისი ოჯახი ექიმებთან ერთად მკურნალობის ვარიანტებს განიხილავენ“, - განაცხადა ყოფილი სახელმწიფოს მეთაურის წარმომადგენელმა.
ბაიდენი ახლა 82 წლისაა. აშშ-ის ყოფილი პრეზიდენტის ჯანმრთელობა და შრომისუნარიანობა მისი პრეზიდენტობის პერიოდში რეგულარულად კითხვის ნიშნის ქვეშ დგებოდა. ამგვარად, მან საჯაროდ რამდენჯერმე დაკარგა წონასწორობა, წაბორძიკდა თვითმფრინავის კიბეებზე ასვლისას, გვერდები აირია და ენის არაერთი ცდაც დაუშვა.
ბაიდენის მიერ გასაიდუმლოებული დოკუმენტების დამუშავების გამოძიების დროს, საქმის პროკურორმა აშშ-ის მაშინდელი ლიდერი აღწერა, როგორც „ხანდაზმული კაცი კეთილი განზრახვით და მეხსიერების პრობლემებით“ და აღნიშნა, რომ დაკითხვის დროს მას ოჯახური თარიღებიც კი ავიწყდებოდა.
გასულ წელს, თეთრი სახლის ყოფილი უფროსი იძულებული გახდა, საპრეზიდენტო რბოლაში მონაწილეობაზე უარი ეთქვა ჯანმრთელობის მდგომარეობის შეშფოთების გამო.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება