ავტორიტარული რეჟიმი ცრუობს, როდესაც ევროკავშირს ქვეყნის შიდა საქმეებში ჩარევაში ადანაშაულებს, ამ ქვეყანაში თუ ვინმე წესებს და პირობებს არღვევს, ეს ივანიშვილის „ოცნებაა“, – ამის შესახებ „გახარია საქართველოსთვის“ წევრმა, თეონა აქუბარდიამ განაცხადა.

მისივე თქმით, ივანიშვილის ხელისუფლების ანტიდასავლური რიტორიკა პირდაპირ კავშირში კრემლის რიტორიკასთან და ამიტომაც ებრძვიან საქართველოს ევროპულ მომავალს.

„ავტორიტარული რეჟიმი, რა თქმა უნდა, ცრუობს, როდესაც ევროკავშირს ბრალს სდებს შიდა საქმეებში ჩარევაში, რამდენადაც ყველა ის ვალდებულება, რომელიც დემოკრატიის და გაწევრიანების გზაზე საქართველოს ჰქონდა, თავად ივანიშვილის ხელისუფლების მხრიდანაა ხელმოწერილი. როდესაც ისინი ამ ვალდებულებებს არღვევენ, იღებენ შესაბამის კრიტიკას. ამიტომაცაა მათი ანტიდასავლური რიტორიკა პირდაპირ კავშირში კრემლის რიტორიკასთან და ამიტომაც ებრძვიან საქართველოს ევროპულ მომავალს, რათა კრემლის ზურგით შეინარჩუნონ ძალაუფლება.

დემოკრატიული რეფორმები, მართლმსაჯულების რეფორმა, ფუნდამენტური უფლებები, მედიის თავისუფლება, ყველა ეს საკითხი იყო ევროკავშირში გაწევრიანებისთვის 9 აუცილებელ რეკომენდაციაში, რაზეც პასუხისმგებლობა და ვალდებულება აიღო ირაკლი კობახიძემ და შემდგომ გადაუხვია, როგორც მას სჩვევია ხოლმე. ამიტომ, თუ ვინმე ამ ქვეყანაში წესებს და პირობებს არღვევს, მათ შორის უპირისპირდება სუვერენულ არჩევანს, ეს არის ივანიშვილის ,,ოცნება” თავისი ირაკლი კობახიძის ბიჭებით, რომლებიც ღიად წავიდნენ ქვეყნის სუვერენიტეტის და ევროპული მომავლის წინააღმდეგ“, – განაცხადა აქუბარდიამ.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის