მინდა ყველა ქართველ მეგობარს ბედნიერი ევროპის დღე ვუსურვო. ჩვენ ვფიქრობთ, რომ საქართველო ევროპის ნაწილია. საქართველო უნდა შემოუერთდეს ევროკავშირს, - ამის შესახებ საქართველოში გერმანიის ელჩმა, პეტერ ფიშერმა განაცხადა.

მისი თქმით, ყველასთვის ცნობილია, რა არის საჭირო გასაწევრიანებლად.

„ევროპა არის მეგობრობა და სოლიდარობა და ჩვენ გვსურს, დღეს ეს ვიზეიმოთ. ყველა იცის, რა უნდა გაკეთდეს გასაწევრიანებლად და იმედი მაქვს მომავალში გაკეთდება და ჩვენ ერთად ვიქნებით ერთ კავშირში“, - აღნიშნა ელჩმა.

კითხვაზე, რატომ არ იყო მიწვეული საქართველო ვარშავაში ევროკავშირის საგარეო საქმეთა მინისტრების არაფორმალურ შეხვედრაზე, რომელიც გუშინ ვარშავაში გაიმართა და რომელზედაც მიწვეულები იყვნენ ევროკავშირის სხვა კანდიდატი ქვეყნები, ელჩმა უპასუხა :

„იმიტომ, რომ გასული წლის ივნისში ევროკავშირმა გადაწყვიტა, რომ შეეჩერებინა საქართველოს მთავრობასთან მაღალი დონის კონტაქტები, სანამ ის არსებულ კრიზისს არ მოაგვარებს“.

მან იმედი გამოთქვა, რომ საქართველო სწორ გზას დაუბრუნდება.

„იმედი მაქვს, საქართველო, როგორც ქვეყანა, ყველა თავის მოქალაქით, დაუბრუნდება სწორ გზას. იმედი გვაქვს, თუმცა ეს საქართველოზეა დამოკიდებული. და რა არის საქართველო? საქართველო არის ქართველი ხალხი და ევროკავშირში გაწევრიანებისას არა მხოლოდ მთავრობა წევრიანდება, არა მხოლოდ პარლამენტი წევრიანდება, არა მხოლოდ ბიზნეს სექტორი, არამედ ყველა. ასე რომ, გასაწევრიანებლად საჭიროა დიდი ეროვნული ძალისხმევა. ჩვენ შემოგთავაზეთ კანდიდატობა, საუკეთესო რამ, რისი გაკეთებაც შეგვიძლია“, - აღნიშნა ელჩმა.

ცნობისთვის, ვარშავაში, ევროკავშირის საგარეო საქმეთა მინისტრების არაფორმალური შეხვედრა გაიმართა, რომელზეც კანდიდატი ქვეყნების საგარეო საქმეთა მინისტრები იყვნენ მიწვეულები. არსებული ინფორმაციით, შეხვედრაზე საქართველო არ იყო მიწვეული.

ავტორი: ექსპრესნიუსი,

სოციალური ქსელები

ნატოს პირველი ქვეყანა, რომელმაც რუსეთთან ომისთვის მოსამზადებლად უკრაინიდან ინსტრუქტორები მიიწვია.

საერთაშორისო პრესის ინსტიტუტი (IPI) - საქართველოს პარლამენტის მიერ მიღებული ახალი კანონები სერიოზულ საფრთხეს უქმნის დამოუკიდებელ მედიას

ტვ პირველი აცხადებს, რომ ფინანსური დავალიანების გამო არხის სატელიტური მაუწყებლობა დღეს გაითიშა

2023 წლის შემდეგ პირველად, რუსეთის არმიამ უკრაინაში ტერიტორიების დაკარგვა დაიწყო