პარტია ფედერალისტების ერთ-ერთმა ლიდერმა, გიგა ბოკერიამ პალიტრანიუსის ეთერში სალომე ზურაბიშვილთან შექმნილ წინააღმდეგობის პლატფორმაზე ისაუბრა, სადაც  განსხვავებული პარტიები სხვადასხვა საკითხებზე თანამშრომლობენ და თქვა, რომ აღნიშნული პლატფორმა წარმოადგენს კოალიციური მთავრობის ერთგვარ მაგალითს.

"წინააღმდეგობის პლატფორმა არის მაგალითი იმის, რომ განსხვავებულ პარტიებს შეუძლიათ თანამშრომლობა პრაქტიკულ საკითხებზე, ეს არის კოალიციური მმართველობის მაგალითი მინი დონეზე, ოღონდ ჯერ ძალაუფლება არ გაქვს, ეს მანდატი ხალხისგან უნდა მიიღო. მაგრამ იმ შინაარსზე, რაც პრეზიდენტის ქარტიაში იყო და იმ ნაბიჯებზე რაც პროტესტის მხარდაჭერისთვის არის საჭირო სწორედ განსხვავებული პარტიები თანამშრომლობენ ამაზე იქ.

ეს პლატფორმა არის მოდელი მართლა თანამშრომლობის, იმ ხალხის, ვისაც ერთმანეთი არ მოსწონთ პერსონალურად, განსხვავებული იდეოლოგიები აქვთ, მაგრამ რაზეც თანხმდებიან იმ საკითხებზე შეუძლიათ ერთობლივი გზავნილები ჰქონდეთ საერთაშორისო ასპარეზზე და ქვეყნის შიგნითაც, ამას აკეთებს ეს პლატფორმა. იგივე უნდა მოხდეს რეფორმების იმ მინიმალურ აუცილებელ ნაბიჯებთან დაკავშირებითაც, რაც საჭიროა, რომ უფსკრულის პირიდან გამოვიდეთ, ოღონდ თან კონკურენციაც შენარჩუნდება - ეს არის კოალიციური მმართველობა და ხალხისთვისაც უნდა იყოს თვალსაჩინო, რომ ეს შესაძლებელია და ამ თვალსაზრისით, ოპოზიცია უკეთეს ფორმაშია ვიდრე რამდენიმე თვის წინ იყო, მაგრამ ეს საკმარისი ჯერ არ არის". - თქვა ბოკერიამ.

ცნობისთვის, 31 მარტს, რუსთაველის გამზირზე გამართულ აქციაზე სიტყვით გამოსვლისას, სალომე ზურაბიშვილმა თქვა, რომ პროევროპული პარტიების მონაწილეობით წინააღმდეგობის პლატფორმა იქმნება. 

ავტორი: ექსპრესნიუსი,

სოციალური ქსელები

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

მე-6 პენიტენციურ დაწესებულებასთან გიორგი დავითაძის ოჯახის წევრები აქციას მართავენ, ადგილზე ხმაურიც იყო