Foreign Press USA-ის კორესპონდენტის, ალექს რაუფოღლუს ინფორმაციით, მომავალ კვირას აშშ-ს წარმომადგენელტა პალატაში MEGOBARI აქტის კენჭისყრაზე გამოტანა იგეგმება.

"MEGOBARI აქტი, რომელიც 2025 წლის დასაწყისში კონგრესმენებმა ჯო უილსონმა და სტივ კოენმა წარადგინეს, უკვე გადის საბოლოო განხილვაზე და მომავალი კვირისთვის აშშ-ს წარმომადგენელთა პალატაში უყრიან კენჭს" - წერს რაუფოღლუ პლატფორმა X-ზე.

რაუფოღლუს მიერ გამოქვეყნებულ დოკუმეტში ნათქვამია, რომ კანონპროექტი მიმართულია საქართველოში ჩინეთის კომუნისტური პარტიის, ირანის რეჟიმის და რუსეთის ფედერაციის გავლენის წინააღმდეგ და მისი მიზანი საქართველოში დემოკრატიის მხარდაჭერა, უსაფრთხოების განმტკიცება და ქვეყნის დამოუკიდებლობის გაძლიერებაა.

აქტი ამერიკის პრეზიდენტს ივანიშვილის რეჟიმის წევრების, მათი ხელშემწყობებისა და ოჯახის წევრებისთვის სანქციების დაწესებას ავალდებულებს.

ორპარტიულ აქტში დეკლარირებულია, რომ საქართველოს მოქმედი ხელისუფლება სულ უფრო ზრდის მტრულ დამოკიდებულებას ქვეყნის დამოუკიდებელი სამოქალაქო საზოგადოებისა და მისი მთავარი ევროატლანტიკური პარტნიორების მიმართ, ამავდროულად კი აძლიერებს კავშირებს რუსეთის ფედერაციასთან, ჩინეთის სახალხო რესპუბლიკასთან და სხვა ანტიდასავლურ ავტორიტარულ რეჟიმებთან.

ავტორი: ექსპრესნიუსი,

სოციალური ქსელები

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა