2025-04-27 13:35:14, 545 ნახვა
პოლიტიკა
საქართველოში მოქმედი რუსული პარტია, რუსი პრანკერების განხორციელებული ქმედების შემდეგ ზურაბიშვილისა და ნანუაშვილის წინააღმდეგ საქმის აღძვრას ითხოვს
საქართველოში მოქმედი რუსული პარტია “სოლიდარობა მშვიდობისთვის” ლიდერებმა გენერალურ პროკურატურაში განცხადება შეიტანეს და სალომე ზურაბიშვილისა და უჩა ნანუაშვილის წინააღმდეგ სისხლის სამართლის საქმის აღძვრას მოითხოვენ. საფუძველი კი კრემლის პროპაგანდისტულ პირველ არხზე, ОРТ-ზე გასული პრანკერების ჩანაწერი გახდა. როგორც პარტიის მიერ გავრცელებული ფოტოებიდან ირკვევა, ლიდერებმა პროკურატურაში განცხადება შეიტანეს საჯარო განცხადებების ფორმით - განცხადება პროკურატურაში, მოქალაქეთა განცხადებების და საჩივრებისათვის განკუთვნილ ყუთში მოათავსეს. „ვითხოვეთ ხელისუფლებისგან, პროკურატურისგან, მოახდინონ რეაგირება, რამეთუ ჩვენ ვთვლით და გვჯერა, რომ ... არსებობს სისხლის სამართლის დანაშაულის შემცველი მომენტები“, - ამბობს მიხეილ ჟღენტი გავრცელებულ ვიდეოში. ოთხშაბათს, სოცქსელში გამოჩნდა ჩანაწერები - რუსი პრანკერები ავრცელებენ ინფორმაციას, რომ რუსი ოპოზიციონერის, გარი კასპაროვის სახელით დაუკავშირდნენ საქართველოს მეხუთე პრეზიდენტ სალომე ზურაბიშვილს: „იმაში გასარკვევად, ვინ დგას საქართველოში მიმდინარე პროტესტების უკან, რომლებიც უკვე მეხუთე თვეა არ წყდება, დავუკავშირდით საქართველოს ექსპრეზიდენტს, საფრანგეთის მოქალაქე სალომე ზურაბიშვილს. საუბარი მიმდინარეობდა უცხოეთის აგენტ გარი კასპაროვის სახელით“, - წერენ რუსი პრანკერები „ვოვანი და ლეკსუსი“ თავიანთ ტელეგრამ-არხზე და ვიდეოსაც ურთავენ. თავად ზურაბიშვილს კომენტარი ამ ამბავზე ჯერ არ გაუკეთებია. გავრცელებული ვიდეოს თანახმად, რომელიც დამონტაჟებულია და რუსულად გადახმოვანებული, პრანკერებმა ქართველ პოლიტიკოსთან განიხილეს თბილისში მიმდინარე პროტესტი, ამერიკის საგარეო პოლიტიკა, მედიისა და არასამთავრობო ორგანიზაციების დაფინანსება და ოკუპირებულ აფხაზეთში არსებული ვითარება. „გეორგიევსკის ახალი ტრაქტატის“ ინიციატივა, ჰუმანიტარული დახმარება რუსეთის კურსკის ოლქს, მონაწილეობა რუსეთ-საქართველოს შორის ფრენების აღდგენის მოლაპარაკებებში, კავშირები „რუს-ქართველ ოლიგარქ“ ოთარ ფარცხალაძესთან... - ასეთია ბოლო პერიოდში გააქტიურებული პრორუსული პარტიის მოკლე დოსიე.
ნინო წილოსანი - ისეა გადანაწილებული, ზოგმა გირაო გადაიხადოს, მეორე ნაწილმა კი თავი დაიტუსაღოს
სერგეი ლავროვი - ვერ ვხედავ სომხეთის უკრაინიზაციის საჭიროებას
ზურაბ ჯაფარიძე - ალბათ დააყენებენ პატიმრობაზე შუამდგომლობას, ის ხდება, რასაც ველოდით
აქციის მონაწილეების განცხადებით, პოლიციამ სასამართლოსთან 2 პირი სავარაუდოდ, დააკავა
|
რედაქტორის რჩევით
აშშ-ს მტერი - რუბიომ ოცნების რეჟიმს, მისი კუთვნილ ადგილისკენ მიუთითა
![]() მოლაპარაკებები სტამბულში - უკრაინა და რუსეთი მშვიდობისგან შორს არიან
ომი უკრაინაში![]() უკრაინის დაზვერვა - ხერსონში აფეთქდა მანქანა, რომელშიც რუსი ოფიცრები ისხდნენ
![]() რუსეთის არმიის მეთაურებმა დატყვევებული უკრაინელი ჯარისკაცების სიკვდილით დასჯის ბრძანება გასცეს
ვიდეო/LIVE გახარიას გამოკითხვა წულუკიანის კომისიაში
ოცნების რეჟიმი თავისუფალი პრესის წინააღმდეგ: ჟურნალისტების უფლებების დარღვევის 342 შემთხვევა
მთავარი თემა
|