უკრაინის საგარეო საქმეთა მინისტრის, ანდრეი სიბიგას განცხადებით, უკრაინა ჯერ კიდევ ელოდება რუსეთის პასუხს 30-დღიანი ცეცხლის შეწყვეტის წინადადებაზე.

„ე.წ. „სააღდგომო ცეცხლის შეწყვეტასთან“ დაკავშირებით, ჩვენ ჯერ კიდევ არ მოგვისმენია მოსკოვის პასუხი ჩვენს წინადადებაზე, რომელიც ცეცხლის შეწყვეტის 30 დღემდე გახანგრძლივებას გულისხმობს“, - წერს სიბიგა სოციალურ პლატფორმა X-ზე.

მისი თქმით, რუსები სააღდგომო ზავის დროსაც განაგრძობდნენ უკრაინის პოზიციებზე თავდასხმებს.

„უკრაინა სათანადოდ და პასუხისმგებლობით რეაგირებს და ჩვენ ვპასუხობთ როგორც ცეცხლს იქ, სადაც ეს ხდება, ასევე სიჩუმეს იქ, სადაც ეს არის“, - აცხადებს სიბიგა.

ამასთან, მისი თქმით, მთავარი საკითხი ის არის, რომ უკრაინამ რუსეთს ცეცხლის შეწყვეტის შეწყვეტის გაგრძელება შესთავაზა.

„მზად ვართ ცეცხლის 30-დღიანი სრული შეწყვეტისთვის, თუ რუსეთიც იმავეს გააკეთებს. მოსკოვისგან ჯერ არანაირი პასუხი არ მოგვისმენია. შუაღამის შემდეგ, ხვალ და მთელი კვირის განმავლობაში რუსეთის ქმედებები გამოავლენს რუსეთის ნამდვილ დამოკიდებულებას აშშ-ის სამშვიდობო ძალისხმევისა და 30-დღიანი სრული ცეცხლის შეწყვეტის წინადადების მიმართ. ეს ქმედებები აჩვენებს, სერიოზულად უყურებს თუ არა რუსეთი მშვიდობას, თუ პუტინის განცხადებები უბრალოდ მანიპულაციები იყო“, - აცხადებს სიბიგა.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება