რუსულმა ძალებმა უკრაინის ქალაქ დნიპროზე დრონებით თავდასხმა განახორციელეს, რის შედეგადაც ახალგაზრდა გოგონა დაიღუპა, - ინფორმაციას უკრაინული მედია დნეპროპეტროვსკის ოლქის სახელმწიფო ადმინისტრაციის ხელმძღვანელსა და დნიპროს მერზე დაყრდნობით ავრცელებს.

ქალაქის მერის, ბორის ფილატოვის განცხადებით, თავდასხმის შედეგად დაშავდა 28 ადამიანი, მათ შორის 4 ბავშვი.

„დაზიანდა სულ მცირე 15 სახლი. სტუდენტური საერთო საცხოვრებლები, საგანმანათლებლო დაწესებულების და კვების საწარმოს შენობები“, - აღნიშნა მერმა.

დრონებით თავდასხმას დნეპროპეტროვსკის ოლქის სახელმწიფო ადმინისტრაციის ხელმძღვანელი, სერგეი ლისაკი გამოეხმაურა.

„„რუსკი მირი“ მოქმედებაშია. მალე მტრის საჯარო გვერდებზე კიდევ ერთი ჭორი გამოჩნდება „ნატო-ს ოფიცრების განადგურების“ შესახებ. სინამდვილეში, ეს არის კვლავ ტერორი დნიპროში მშვიდობიანი მოსახლეობის წინააღმდეგ. დაზიანებულია სახლები, საგანმანათლებლო და კულტურული დაწესებულებები. დაზიანებული ავტომობილები“, - აღნიშნა ლისაკმა.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება