ჩინელი ოფიცრები, პეკინის თანხმობით, რუსეთის ფრონტის ხაზების უკან იმყოფებოდნენ ომის ტაქტიკის შესასწავლად, - იტყობინება Reuters ორი ამერიკელი ოფიციალური პირისა და დასავლური დაზვერვის ყოფილ ოფიცერზე დაყრდნობით.

სააგენტოს წყაროს ცნობით, რუსეთის ჯარში 200-მდე ჩინეთის მოქალაქე იბრძვის - ისინი დაქირავებულები არიან და, როგორც ჩანს, პირდაპირი კავშირი არ აქვთ ჩინეთის მთავრობასთან.

ამერიკელმა ოფიციალურმა პირებმა როიტერს განუცხადეს, რომ ჩინელ სამხედროებს, როგორც ჩანს, აქვთ მინიმალური წვრთნა და მცირე გავლენა ჰქონდათ რუსეთის სამხედრო ოპერაციებზე.

8 აპრილს უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის ჯარებმა დაიჭირეს ჩინეთის ორი მოქალაქე, რომლებიც რუსეთის არმიაში იბრძოდნენ. ეს მოხდა უკრაინის ტერიტორიაზე - დონეცკის ოლქში. მოგვიანებით მან განაცხადა, რომ უკრაინის სადაზვერვო სამსახურებს აქვთ ინფორმაცია, რომ რუსეთის არმიაში ჩინეთის მინიმუმ 155 მოქალაქე იბრძვის.
ჩინეთმა განაცხადა, რომ არ გაგზავნა თავისი ჯარები უკრაინაში რუსეთის მხარეს საბრძოლველად.

ავტორი: ექსპრესნიუსი,

სოციალური ქსელები

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია